amalinks wokungena

Breaking News

Abasekeli BeZanu PF Baqhubeka Belokhu Beloba Amagama Alabo Ababhalisela Ukuvota


Ababhalisela Ukuvota Ngemitshina yeBVR
Ababhalisela Ukuvota Ngemitshina yeBVR

Ukwethuselwa kwabantu asebebhalise ukuvota esigabeni seMaNdebeleni kuqhubekela phambili lapho amalunga eZanu PF abikwa ethatha inombolo zamagwaliba alabo asebebhalisele ukuvota osekusolwa ngamapholisa lekhomishini ebona ngezokhetho eye ZEC.

Abantu baqhubekela phambili bebhalisa ukuvota ngaphansi kohlelo lweBVR kodwa ukuthathwa kwenombolo zamagwaliba okubhalisa sekudale ukwesaba ebantwini lokwethuselwa abanye bethi abasayi kuvota, kuthi abanye sebehlalele evalweni ngoba bengazi ukuthi lezi nombolo zisiwa kuphi.

UNkosikazi Nomathemba Moyo osekhaya eTsholotsho uchasisa ngokwenzakala esigabeni sakhe.

Obona ngohlelo lokubhalisela ukuvota kukhomisini eyeZEC koBulawayo, uMnunznana Innocent Ncube uthi ukulotshwa kwenombolo zeBVR ngaphandle kwendawo zokubhalisela ukuvota kubhahile, ngesikhathi bebuza amabandla ezombusazwe bathi luhlelo lwabo, ekhuthaza uzulu ukuthi bamangalele labo abazababona bethatha inombolo zababhalise ukuvota.

UNKosikazi Melisa Ndlovu obona ngokuqhutshwa kwenhlelo eMthonjeni Womens Forum uthi eTsholotsho kuWard 18 baqhubekela phambili behlanganisa iziphathamandla lezakhamizi bekhuluma ngohlelo lweBVR.

Ethi inkinga ezibhekane lezakhamizi lezi yikuswelakala kwezithupha ukuba bayebhalisa ukuvota ngoba ukuze uthole isithupha kudingakala izinto ezinengi abangalazo.

Isakhamuzi seTsholotsho, uNkosikazi Soneni Ngwenya uchaza inhlupho ababhekana lazo ngenxa yokuswelakala kwezithupha ethi labo abalazo babhalisa kuhle kodwa uhlupho nje yilabo abahamba bethatha inombolo zamagwaliba alabo asebebhalise ukuvota.

Ngesikhathi kusabusa owayengumongameli Robert Mugabe ekhuluma ngokwethusela lokuqila kukhetho wathi balendlela ezinengi zokuqila kukhetho, abantu sebethi mhlawumbe eyokuthatha inombolo ngeyinye yezindlela zokwethusela abantu abazavota.

Izakhamizi zemaphandleni yizo eziphila nzima kulezi insuku, uma ungabhalisanga kumbe usubhalisisle kunkokheli zebandla elibusayo uhlalela evalweni ungazi ukuthi nyathela bani abazalithatha.

please wait

No media source currently available

0:00 0:03:33 0:00

XS
SM
MD
LG