amalinks wokungena

Breaking News

Abasekeli BeMDC Bakhululwe Kungelacala Abalethesiweyo


Abasekeli beMDC ekhokhelwa nguMnu Welshman Ncube abalitshumi lanhlanu (15) ababotshwe ngoMvulo eTsholotsho bephakathi kokudingela ibandla labo usekelo bakhululwe ngoLwesibili bengetheswanga cala.

Abantu laba babalisala unobhala webandla eMatabeleland North, uMnu Robert Mgezelwa Ndlovu, uNkosikazi Rhoda Ncube, uMnu Petros Mahonondo, uMnu Abel Dube, uMnu Minutewell Ncube, uMnu. Simon Moyo, uMnu Bongani Dube labanye.

IMDC ithi abasekeli bayo laba bebekhulumisana lozulu bemkhombisa ukuthi asekele ibandla labo. Ekukhululweni kwabo balaywe ukuba baphenduke enkambeni mhlaka 30 ngenyanga ezayo.

Kunjalo nje, ukuthoniswa kwecala likaMnu Moses Mzila Ndlovu, ummeli weBulilima West ephalamende njalo elilunga leMDC kaNcube, kuqalile ngolweSibili emthethwandaba weHwange.

UMzila wetheswa icala lokutshotshozela abantu ukuthi bagenqule uhulumende. Kube labafakazi bakahulumende abathathu abakhulumileyo emthethwandaba, ababili babo bengamapholisa.

Ukuthoniswa kwalelicala kuyaqhubeka mhlaka 8 ngenyanga ezayo.

XS
SM
MD
LG