amalinks wokungena

Ukuswelakala Kwemali Sokubhidliza Amabhizimusi Athengisa Amaluba


Osomabhizimusi besifazane bakoBulawayo abathengisa amaluba bathi bahlutshwa yikuthola imali loba nje ibhizimusi le isenza imali ebukekayo.

Bakhuthaza ukuthi uhulumende angenele ukwenzela ukuthi bathole amadola kumbe kusetshenziswe ama Rand eSouth Africa.

Ibhizimusi lamaluba ngelinye lamabhizimusi ezokulima eliletha imali enengi ezweni kodwa ngenxa yokusilela kwemali, abalimi labathengisa amaluba njengabo bonke abakubhizimusi babhekane lodubo lokusilela kwemali.

Ukuswelakala kwemali sokubhidliza amabhizimusi athengisa amaluba.
Ukuswelakala kwemali sokubhidliza amabhizimusi athengisa amaluba.

Inengi labakubhizimusi leli koBulawayo bakhala ngokuthi lokhe kwaqalayo ukusetshenziswa imali yohlobo lwebond notes ibhizimusi labo lawa okwethusayo ngoba abantu abalamali.

UNkosikazi Sandra Mpofu, oseleminyaka emithathu ethingisa amaluba eBulawayo City Hall, uthe ibhizimusi imile kulez’insuku uyabuyela endlini engathengisanga ngitsho iluba elilodwa.

Uthe uhulumende kumele angenele ngokuthi kusetshenziswe iRand ukwenzela ukuthi baqalise ukuthengisa amaluba ngemfanelo.

Omunye njalo okubhizimusi le, uNkosikazi Mary Nyoni, uthe njengalonyaka izulu line kahle kanje izilimo zabo zinhle inking-nje yikuthi abantu abalamali.

Uthe kuhle ukuthi ngabe uhulumende lamabhanga bayaholisa kanye lokutholisa abantu imali zabo ngesikhathi ukuze labo ibhizimusi labo lithuthuke.

Ingcwethi zithi ibhizimusi yamaluba ilakho ukukhuphula ezomnotho nxa kungaba lohlelo olucacileyo lokuthi alinywe ilizwe lonke ngabalima ngokuthelezela..

Lokhu kulakho njalo ukudala imisebenzi.

Okwamanje lamapulazi ayelima amaluba aseyehlisile isilinganiso sezivande ezilamaluba ngenxa yokugugudeka komnotho weZimbabwe okumangalisayo.

Facebook Forum

XS
SM
MD
LG