amalinks wokungena

Breaking News

Abatsha Baqhuba Uhlelo Lokusiza Abaswelayo Ngesikhathi seLockdown


Abenhlanganiso eye "The Plug Movement" beyabela ukudla abaswelayo

Sebezinkulungwane phose ezinhlanu-4,818, asebefunyenwe beleCovid 19, eZimbabwe. Asebesinde kuleli gcikwane sebedlula inkulungwane lengxenye-1,544, labulala abedlula ikhulu-104.

Emazweni awezwekazi leAfrica asebebanjwe belegcikwane leli, sebedlula isigidi - 1,055,964, labulala inkulungwane ezedlula ezingamatshumi amabili lantathu- 23,582, kubika abenhlanganiso ye African Union.

Abekholitshini leJohn Hopkins University babika ukuba emhlabeni jikelele sebeyizigidi ezedlula amatshumi amabili - 20,126,452, abafunyenwe beleCovid 19, yabulala inkulungwane ezingamakhulu phose ayisikhombisa- 737,285.

Abenhlanganiso ezikhokhelwa ngabatsha lokhe beqhubekela phambili besiza abaswelayo, ngalesi sikhathi eleZimbabwe liku Lockdown, yokumelana lesifo seCovid-19. Abenhlanganiso ezilwela ilungelo loluntu bathi, njengoba inengi labantu elizweni liziphilisa ngemisebenzi yezandla, i-Lockdown isitshiye izigidi lezigidi zabantu zibhekane lendlala.

Inhlanganiso ye “The Plug Movement”, ekhokhelwa nguMnu. Simon Magama, ngenye yenhlanganiso ezasungula inhlelo zokusiza abaswelayo. UMagama utshele umsakazo weStudio7 ukuthi abenhlanganiso ye "The Plug Movement" babone kuqhakathekile ukuthi basize abaswelayo ngoba bananzelela ukuthi enengi labantu libhekane ngendlala.

UMnu. Simon Magama owenhlanganiso ye" The Plug Movement"
UMnu. Simon Magama owenhlanganiso ye" The Plug Movement"

"Bekungela umuntu obelungisele ilockown kanye loCOVID. So you find out ukuthi abantu abanengi eZimbabwe bayazisebenzela, abanye baphila ngemali abayitholayo khonapho, it's like hand to mouth. So you realize ukuthi after sokube ngamalockdown, abantu abanengi bebengasakhoni ukuthi bazisebenzele, impilo zabo zisuke zaba affected. So thina sabona kuqhakathekile ukuthi sisize a few families that we could afford to help. So we started an initiative ethiwa The Plug COVID Relief Programme," kutsho uMagama.

Ingxoxo esiyenze loSimon Magama
please wait

No media source currently available

0:00 0:03:58 0:00

Facebook Forum

XS
SM
MD
LG