amalinks wokungena

Breaking News

Umanyano Wabatsha oweNAYO Uthi Kakulungisiswe Ukuphambana Kwesisekelo Sombuso Lemithetho Yokhetho


Abasakhulayo

Abenhlanganisweni zabasakhulayo eziphansi komanyano we National Association of Youth Organisations elomkhankaso wokuthi abatsha babhalise ukuphatheka kukhetho owe Leave no Youth Behind Campaign, bathi bafuna ukukhweza emthethwandaba, udaba lokungalungisiswa kwezinye zezigaba ezesisekelo sombuso welizwe ngoba kulokuphisana kwazo lapho sekukhulunywa ngodaba lokuncintisa izikhundla kukhetho.

Abasakhulayo laba bathi isisekelo sombuso sipha wonke osefikise iminyaka elitshumi lasitshiyagalombili ( 18 years ), ilungelo lokuba abhalise kugwalo lwabalelungelo lokuvhota ukuze aphatheke laye kwezokukhethwa kwenkokheli kahulumende elizweni.

Kodwa isisekelo sinye bathi sibetha iminyaka etshiyeneyo kwabafisa ukuncintisa ezigabeni zonke kusukela esokuba ngummeli wezakhamizi kusiya kwesikamongameli.

Okhokhela uhlangothi lwezokuhanjiswa komsebenzi emkhankasweni we Leave No Youth Behind eyisiphathamandla njalo kumanyano wenhlanganiso zabasakhulayo we NAYO u MacDonald Kumbirayi Munyoro, ulandisa ngalelinyathelo asebefuna ukulithatha.

Umgcinisihlalo wohlangothi lwabasakhulayo enhlanganisweni yamabandla aphikisayo kwezokulwela inguquko kumthetho olawula ngezokhetho i National Electoral Reforms Agenda ( NERA Youth Forum ), ephethe isikhundla esifanayo lakwelinye lamabandla aphikisayo le Transform Zimbabwe – TZ umnumzana Tawanda Kalonga ulandisa ngokubenze

Omunye wabaphatheke kumisebenzi yokucubungula ngezombusazwe elizweni, umnumzana Tjenesani Ntungakwa uvumelana labasakhulayo laba kuzikhalazo zabo ephikisanayo lapho sekukhulunywa ngodaba lweminyaka ekuncintiseni lasekuphathekeni kukhetho. Kodwa uNtungakwa ubaxwayisa ukuba bakhulume ngalizwi linye.

Uyabaxwayisa njalo ukuba behlukane lomkhuba wokuvuma ukusetshenziswa kwezodlakela ngabafuna lezi zikhundla zaphezulu kodwa bancintise labo ngobunengi njengesibonelo sokutshengisela ukuba sebezimisele ukuphatheka kwezombusazwe.

Ukhuthaza ukumanyana kwabasakhulayo laba kunjongo yabo le, kungakhangelwa ukuthi lowo ofuna ukungena esikhundleni ngowaliphi ibandla.

Abasakhulayo laba bathi isisekelo sombuso sipha wonke oleminyaka elitshumi lasifica minwe mibili ( 18 years ) ilungelo lokuphatheka kukhetho ngendlela yokubhalisa ukuba lelungelo lokuvhota loba ukuncintisa kuyiloba yisiphi isikhundla ku section 67 ( 3 ) lo 67 ( 3 ) b.

Isisekelo sinye sibuya njalo sithi kulentanga evunyelwayo ukuncintisa kusiya ngesigaba, okuphikisana lokutshiwo kusigaba 67 ( 3 ).

Isigaba 91 ( 1 ) b abathi singumgoqo kwabasakhulayo lapho befisa ukuncintisa kukhetho lukamongameli njengoba sikubeka sobala ukuba lesi sikhundla sincintiswa ngosefikise iminyaka engamatshumi amane-40.

Abasakhulayo laba abathi konke lokhu kuphambana lokutshiwo yisigaba 56 kusisekelo sombuso sona esithi malungabi khona ubandlululo kwezokutholiswa kwamathuba.

please wait

No media source currently available

0:00 0:04:48 0:00

Facebook Forum

XS
SM
MD
LG