amalinks wokungena

Breaking News

Abazali Bomntwana Ophethwe Yisifo seCavenous Hemangioma Badinga Usizo Lokumelaphisa


Umkhuhlane weCavenous Hemangioma unanabula izitho zomzimba, osokubangele ukuthi uThando Hlongwane aqunywe iminwe.

Kulemuli yeZimbabwe ehlala eSouth Africa ethi idinga uncedo ukuze yelaphise umntwanayo oleminyaka emithathu ohlaselwe ngumkhuhlane weCavenous Hemangioma.

Lumkhuhlane wenza umntwana lo amile izigaxa zenyama emzimbeni kanye lamathumba njalo wenza izitho zakhe zomzimba ikakhulu izandla, zikhule ukwedlula izinga lakhe.

UThando Hlongwane uleminyaka emithathu njalo ubulawa ngumkhuhlane weCavernous Hemangioma.
UThando Hlongwane uleminyaka emithathu njalo ubulawa ngumkhuhlane weCavernous Hemangioma.

Unina, uNkosikazi Priscar Hlongwane uthi indodana yakhe, egama layo nguThando Hlongwane, ihlaselwe ngumkhuhlane lo isanda kuzalwa njalo isize yaqunywa lesandla sokudla.

Uthi njalo ukuze ahlolwe ngodokotela kufuneka imali engangeR13,000.

Imifanekiso ayithumele umsakazo weStudio 7 itshengisa ukuthi ngempela izandla zikaThando zinanabuke ukwedlula umzimba wakhe.

Ulenkalakatha njalo yesigaxa senyama emile phezu kwembambo emhlubulweni wesandla sokhohlo.

UNkosikazi Hlongwane utshele lumsakazo ukuthi abangathanda ukumsiza bangamxhuma ngocingo kumbe ngeWhatsApp kunombolo zaseSouth Africa ezithi +27623743560.

please wait

No media source currently available

0:00 0:04:47 0:00

Facebook Forum

XS
SM
MD
LG