amalinks wokungena

Breaking News

Abazancintisa Kukhetho Bezimele Sebeqale Ukukhankasa


UMnu. Josphat Mzaca Ngulube

Lanxa kulokuxokozela kumabandla ezombusazwe osekubangele ukuthi inkokheli icithe isikhathi idonselana amandla kulokukhankasa abanye asebecabange ukuncintisa kukhetho bezimele sebeqalisile ukukhankasa.

NgoMgqibelo esigabeni seBulawayo South, eSizinda, uMnunzna Josphat Mzaca Ngulube okhankasela ukuba lilunga ledale lephalamende elizimeleyo ubelomkhosi wokusungula umkhankaso wakhe exhaswe ngomunye njalo ozancintisa ezimele, uMnu. Nhlanhla Moyo.

Bekungabizwa ozwayo lanhlanje egcekeni lenkundla yezemidlalo elokitshini leSizinda lapho uMnunzana Ngulube ajabulise abantu ngendlela ezehlukeneyo kwabasakhulayo labadala.

UMnu. Ngulube uthi ufuna ukuba kubelokhetho olungelabudlwangudlwangu njalo lube msulwa. Wakhuthaza njalo ukuba abantu baqhubekele phambili besiyabhalisela ukuvota lokuba bazi abantu bokuvotela kukhetho oluzayo hatshi ukuthukwa ababhekane lakho njengesigaba.

Omunye okhankasela ukuba lilunga ledale leBulawayo Central osakhulayo uMnu. Nhlanhla Moyo laye uphe usekelo lwakhe kulo umhlangano ethi njengabasakhulayo bakoBulawayo bakubone kufanele ukuba basukume bathuthukise uBulawayo.

Ezosekela uMnu Ngulube koBulawayo, uMnunzana Maduma Fuzwayo weGwanda uchaze ukuba uzoxhasa osakhulayo ozimeleyo ngoba emabandleni akhona kukhona asebekwenza okungahambisani lozulu.

Omunye wabasakhulayo ongene lumhlangano, uLorraine Nyastanga uthe bayamsekela uMzaca njalo njengosakhulayo wasigaba ukubone kufanele ukuthi ebakhuphe ebuyangeni ngoba uhulumende okhona kabanaki kuthi lelunga labo ledale lephalamende elikwaziyo yikuhamba lithethisa abantu.

Evumelana loNyastanga, uNkosikazi Lungisani Ncube uchaze ukuba uNgulube bayamsekela ngoba imisebenzi yakhe yokulwela amalungelo abantu sebeyibonile .

UMnu. Ngulube ukhangelele ukuqhubekela phambili ekhankasa kuze kuyefika ekhethweni ethi uyajabula ngoba inkampani kaLoliwe leNASSA sebethembisile ukunikeza abadala imali zabo ngemva kokuba esole lezinkampani wayatshengisela.IZimbabwe iphakathi kokulungiselela ukhetho lonyaka sebelinde ukuba uMongameli Emmerson Mnangagwa atsho ukuthi luyabe lunini.

please wait

No media source currently available

0:00 0:03:42 0:00

Facebook Forum

XS
SM
MD
LG