amalinks wokungena

Breaking News

Kambe Inguquko Kwezombusazwe Ingenza AbeZimbabwe Baphindele Ekhaya Na?


AbeZimbabwe abaseSouth Africa

Kusukela ngomnyaka ka 2000, ukuqonga kwezehlakalo zokwephulwa kwelungelo loluntu lokonakala kwesimo somnotho weZimbabwe, phansi kukahulumende kamnumnzana Robert Mugabe kubangele ukuba inkulungwane lenkulungwane zezizalwane zeZimbabwe ziyephephela kweleSouth Africa.

AbeZimbabwe abaseSouth Africa
AbeZimbabwe abaseSouth Africa


Kuleli nani kulezinye ezifike kweleSouth Africa zaphiwa imvumo yokuphephela okwesikhatshana ngoba impilo zazo bezisengozini eZimbabwe. Leliqulake selisesabela ukuthi ukungena kukamongameli Emmerson Mnangagwa osekubeke kwacaca ukuthi uxolo luhamba phambili kuye lokuthi abasemazweni abaphenduke ekhaya bengesabi, eleSouth Africa kungenzeka lithi baphindele emuva ngoba isimo sesilungile.
Isizalwane seZimbabwe unkosazana Sizwile Moyo uthi lobanje kungaba yinto enhle ukubuyela ekhaya, akusoke kube lula ukuqala impilo yeZimbabwe enzima kukanti bese bejwayelele ebutshelezi.


Loba isimo sesingcono eZim kuzothatha isikhathi ukuze sithole imisebenzi yakhona ngoba lalaba abavele behlala khona already akukabi ngcono ngoba abakatholi imisebenzi bona ngokwabo. And the another thing sathi sibuya lapha satshiya kungelamizi kungela anything so kuzoba nzima ukuthi siqale phansi yonke into.
Bakhona njalo abasuswa yikungamanga kuhle kwesimo somnotho bafika kweleSouth Africa baphiwa ama permit esikhatshana ukuze babe bebhacile kusavuselelwa ezomnotho elizweni labo. Labo laba kungenzeka baphelelwe ngumphako nxa ezomnotho zingavuka kwatshu eZimbabwe.
Banengi futhi abathi ngemva kokufundela imisebenzi ethile beza kweleSouth Africa ngoba kungela msebenzi eZimbabwe. Inengike lapha bafika benza imisebenzi ebehlisa isithunzi ukuze baphile. Labo laba bathi nxa ezomnotho zingavuka khwatshu njengokwesifiso sikahulumende kaMnangagwa kuzakutsho ukuthi sebebhekisa amabombo emuva besiyathola imisebenzi abayifundelayo.


ULizwe Khumalo, osekuGrade 11 kweleSouth Africa uthi ukusuka esikolweni akiso esesiyafunda eZimbabwe kuzaba yinto enzima kakhulu nxa kukhangelwa umehluko wemfundo zamazwela womabili.
Izifundo azifani, inani lama subjects alifani, lolimi olusetshenziswayo eZimbabwe alufani nalolu olusetshenziswa ngapha eSouth Africa like i Afrikaans neSiShona ngale eZimbabwe akufani, so kuzoba nzima ukuthi sijwayele.
Kodwake abanye abafana lo mnumnzana Phathisani Nkomazana, bathi ekhaya kusekhaya loba kanjani bazasijwayela isimo nxa sebehlala khona.
Abahlali baseZimbabwe kweleSouth Africa, Ngendlela abahleli ngayo, ngibona kungabe kuyindlela enhle kakhulu uma iZimbabwe itshintsha. Labo bekunanzelela ukuba iZimbabwe iyatshintsha baphindele bayehlala phansi, bavuse leliyana lizwe, banike lo president ongenileyo okwamanje imibono naninani ukuze angamotshi futhi njengophumileyo.

AbeZimbabwe abaseSouth Africa
AbeZimbabwe abaseSouth Africa

Inengi lithi liyimelele ngamehlo abomvu inguquko ezakuba khona eZimbabwe besithi bafisa kakhulu ukubuyela elizweni labo bayephila impilo ekhululekileyo hatshi emazweni lapho abahamba bekhonjwa ngeminwe, kuthiwa bazabuyela nini labo laba.

Udaba lwabeZimbabwe abaseSouth Africa siluphiwa nguBenedict Nhlapho
please wait

No media source currently available

0:00 0:03:27 0:00

Facebook Forum

XS
SM
MD
LG