amalinks wokungena

Breaking News

African Diaspora Forum: Sikhathazekile Ngenani Labafa Betsheketsha Igolide


Umnu. Ngqabutho Mabhena wenhlanganiso yeZimbabwe Community in South Africa.

Abenhlanganiso yabadabuka kwamanye amazwe awezwekazi labansundu, asebehlala kwele South Africa, eye African Diaspora Forum bathi bakhathazekile kakhulu ngenani labotsheketsha begolide abafela emigodini yakweleSouth Africa kulandela imfa yabahlanu abane babo kuyizizalwane zeZimbabwe.

Ngokutsho kombiko wamapholisa izidumbu zabahlanu laba zidojwe sezibolile, becatshangelwa ukuthi bangabe bewelwe ngumgodi bephakathi kwathi abanye otsheketsha bakhipha izidumbu zabo bazilahlela phandle.

Nyakenye kube lezehlakalo ezinengi ezabotsheketsha obekudojwa izidumbu zabo kukhanya ukuthi badutshulwe kubangwa imigodi yokutsheketsha.
Osaphethe isikhundla sikamgcinisihlalo wenhlanganiso yeAfrican Diaspora Forum, uMnu. Ur Koumba uthi ukwethekelela kwabo kulezi ndawo kuveze ukuthi inengi labotsheketsha kule imigodi, ngabavela emazweni angomakhelwana.

"Badinga usizo lwethu. Abasakwazi ukuthi baqonde ngaphi. Isimo lapha sinzima kakhulu. Inengi lalaba otsheketsha bavela eZimbabwe, eMozambique, eLesotho leSwaziland."

Inengi labeZimbabwe abakule imigodi, kwezinye indawo elindwe ngabahlomileyo, abanye babo ababengamabutho emazweni afana labo DRC, balile ukucindezelwa amazwi abo lemifanekiso ngesikhathi bekhuluma lale intathelizindaba.

Bathi loba imali beyithola kulezindawo, nyangazonke kufa abantu bewelwa ngamatshe, abanye befela phakathi ngokugula, abanye begalula emanzini phakathi kwemigodile kanti abanye bayabulawa empini zombango wendawo osekutholakale kuzo igolide elinengi.

Omunye wabo uMnu. Mkhululi Dube odabuka ePlumtree uthi yimpilo abangayifisiyo leyingozi kodwa ngeke bekele ngoba yiyo yodwa indlela abalayo yokuziphilisa lemuli zabo.

"Abantu bayashona impela so ngapha lisixhase ngento zama mine. Nawa ama tools, nayi i material mhlawumbe singasinda sikwazi lokuthi mhlawumbe sisuke lana engozini sikwazi ukuzisebenzela mhlawumbe lasekhaya, ngoba asingeni ngoba sithanda imali. Singeniswa yindlala."

Umgcinisihlalo weZimbabwe Community in South Africa, uMnu. Ngqabutho Mabhena, laye owethekelele limigodi ukuyakhulumisana labotsheketsha laba uthi kudingeka bonke abangasiza otsheketsha laba bahlanganise amakhanda bakhande icebo elizasindisa impilo zabo.

"Sizakhulumisanake le National Union of Mineworkers, sikhulumisane lohulumende, sikhulumisane futhi lohulumende waseZimbabwe, labo business people labanye abangancedisa ukuthi sibone ukuthi bengancediswa njani ngoba sizama ukuqeda indaba yokuthi abantu bebebelokhu befela emgodini eseyavalwayo"

Ngakolunye uhlangothi uhulumende uthi uphakathi komsebenzi wokwenqabela ukusetshenziswa kwemigodile ngokungekho emthethweni njengoba, inengilayo vele ukungena kiyo kuyingozi enkulu ngoba eminye sekuleminyaka edlula amatshumi amabili yavalwa.

please wait

No media source currently available

0:00 0:02:56 0:00

Facebook Forum

XS
SM
MD
LG