amalinks wokungena

Breaking News

Abaqoqa Umjaho weMatopos 33 Miler: Sikhangelele Abadlali Abanengi Lonyaka


Umjaho wePPC Matopos 33 miler

Abaqoqi bomncintiswano womjaho wokugijima owePPC Matopos 33 miler bakhangelele ukuba labadlali abedlula inkulungwane abazaphatheka kuwo lonyaka.

Ekuvuselelweni kwawo lumncintiswano ngomnyaka ka 2014 kube labadlali abangamakhulu amathathu.Inani leli liqanse laya kumakhulu amahlanu ngomnyaka ka 2015 njalo lonyaka kukhangelelwe ukuba lelinani likhuphuke liyefika kunkulungwane njengoba lemali ephiwa abazanqoba ikhuphukile.

Nyakenye abaqhube kuhle kulumncintiswano baphiwe inkulungwane ezilitshumi ikanti lonyaka limali ikhuphuke yaya kunkulungwane ezilitshumi lantathu.

Isiphathamandla senkampani ye PPC umnumzana Kelibone Masiyane
Isiphathamandla senkampani ye PPC umnumzana Kelibone Masiyane

Ekhuluma emkhosini wokwethula usekelo lwemali lwalonyaka isiphathamandla senkampani ye PPC umnumzana Kelibone Masiyane uthe lumjaho yiwo wodwa owohlobo lwawo kwele Zimbabwe.

"Umjaho oginqisayo okwamagama owe PPC Matopos 33 miler yiwo wodwa owohlobo lwe Ultra Marathon kwele Zimbabwe okutsho ukuba umi wodwa kuluhlu lwemijaho yokugijima elizweni. Umjaho lo ngaka wonke wonke kusukela komdala, omncane, intshantshu zokugijima kanye labazihwedelayo nje".

Umncintiswano we Matopos 33 Miler wasungulwa ngomnyaka ka 1963 kodwa uke wangabi khona ngeminyaka isimo somnotho singamanga kuhle elizweni waze wavuselelwa ngomnyaka ka 2013 sekutholakale usekelo lwemali kunkampani egaya isamende eye PPC.

Lumncintiswano ugijinywa phakathi kwamakhilomitha angamatshumi amahlanu lesithupha njalo abaqhuba kuhle kuwo balakho ukuyancintisa kumncintiswano owodumo owe Comrades Marathon kwele South Africa.

Umncintiswano walonyaka uzaqhutshwa mhla zintathu kunyanga kaMabasa njalo labo abafuna ukuphatheka kuzamele bebhalise mhla zimbili ngenyanga kaMabasa endaweni ye Bulawayo Athletic Club.

Ezemidlalo - umjaho weMatopos 33miler
please wait

No media source currently available

0:00 0:01:42 0:00
Lapho esitholakala khona

XS
SM
MD
LG