amalinks wokungena

Breaking News

Ibandla leMRP Seliqinisa Umkhankaso Wokudinga Usekelo Kukhetho Oluzayo


Mthwakazi Republic Party

Lokhu kwenziwa phansi kokukhankasela umongameli kunye lamalunga abo edale lephalamende kukhetho oluzayo.

Lonyaka iZimbabwe ilungiselela ukuya kukhetho lukamongameli, amalunga edale lephalamende kunye lamakhansila kodwa amalanga awakahlelwa lomanje ikhomishini ebona ngokubhalisela abantu ukuvota isifike esibangeni esiphezulu sokulungiselela lolukhetho, amabandla azangena kukhetho aseqalile ukukhankasa bedinga ukuvotelwa.

UMongameli weMRP kunye lamalunga akhe azamela abantu edale lephalamende lakumakhansili sebeqalile ukukhankasa, baqede impelaviki beseInyathi behamba bekhankasa.

UMnunzana Patrick Ndlovu uthe uyajabula ngokubona amalunga eMRP ethi ebevame ukuyizwa kuMsakazo weStudio 7 lobanje bebhekane lokusilela kwemisebenzi.

Evumelana loNdlovu, uNkosikazi Prudence Ngwenya uthe uyabonga ngokufundiswa ngamalungelo akhe libandla leMRP kodwa abalazikolo ezikahle, imigwaqo, izimota bancindezekile.

Esinye isakhamuzi seNyathi uMnunzana Nhlanhla Mkhwananzi uthi ukibo kodwa abasela sabelo ngoba sekukhokhela abantu bokuza, ethi ngabe inkokheli yomdabu iyangenela.

UMnunzana Phathisani Sithole uthe uyajabula ngokuza kweMRP esigabeni sakhe ubevame ukiyizwa emsakazweni weStudio 7 ethi bahlukumezekile ngabantu bokuza ngoba bona abasela lungelo endaweni yabo.

Ibandla elibusayo kunye lamabandla aphikisayo aseqalile ukuhamba ekhankasela ukuvotelwa ngoba isikhathi sokhetho sesisondele lobanje izizalwane zeZimbabwe ezisebenza kwamanye amazwe zithi zilelungelo lokuvota lobanje okwamanje besavalelwe, udaba lwabo luyakwethulwa kuyonale iviki okulakho okwengezelela amalanga okubhalisa ukuvota uma benganqoba edale.

Kusenjalo, umlobi odumileyo ophatha lembali, uMnunzana Saul Gwakuba Ndlovu uthi abantu bengayeki ukukhuluma ngodaba lombhuqazwe weGukurahundi njalo kumele kube zinkulumo ezilesisombululo.

UMnunzna Ndlovu ukhiphe lamazwi kulandela ukuvinjwa kwekhomishini ebona ngokukhumisana umlotha ukuba iqhube inhlelo zayo eGwanda ethi kube linyathela elihle ngoba leyo khomishini ayihlelekanga.

lsisekelo sombuso esitsha siyakhuluma ngeqiniso lokukhumisana umlotha kodwa uzulu usesole indlela likhomishini ezasebenza ngakhona lokuthi ayihlelekanga.

Udaba lomkhankaso webandla leMRP siluphiwa nguAnnahstacia Ndlovu
please wait

No media source currently available

0:00 0:04:09 0:00

Facebook Forum

XS
SM
MD
LG