amalinks wokungena

Breaking News

IZimbabwe Tourism Authority Icela Amadlozi Ukuthi Asekele iHarare Carnival


Kwenziwa umkhosi weCarnival Bira olungiselela umkhosi weHarare International Carnival.
Kwenziwa umkhosi weCarnival Bira olungiselela umkhosi weHarare International Carnival.

Uzulu we Zimbabwe unxunswa ukuthi azephatheka kumkhuba wokubika kwabaphansi (Carnival Bira), umdlalo we Carnival walonyaka emkhosini ozaqhutshwa yizinduna zisebenzisana labohlangothi olubona ngezokukhankaselwa kwezokwethekelelwa kwelizwe olwe Zimbabwe Tourism Authority (ZTA ).

Umkhusi lo uzakwenziwa esiqintini senduba uChinhamhora.

Okunye okubukiswa ezitaladini ngombukiso weHarare International Carnival.
Okunye okubukiswa ezitaladini ngombukiso weHarare International Carnival.

​Emhlanganweni lentathelizindaba owenzelwe emahofisini e ZTA oze emele izinduna, uNduna Musarurwa kumbe owaziwa ngegama lakhe elithi Enos Musakwa, uthe lumkhuba wenziwa kulandelwa obekuvele kusenziwa kusukela endulo, ukwazisa abaphansi ngemikhosi eyabe isenzakala elizweni.

Osebenza ekuhlangothi lwezokukhulumisana lozulu (Public Relations Executive/Corporate Affairs) kuhlangothi lweZTA, uNkosazana Shuvai Murumbi, uthe uqakathekile umkhosi lo olisiko.

Abe ZTA lezinduna bathi umkhuba lo ozaqhutshelwa eDomboshava Caves, wokubika kwabaphansi umdlalo we Harare International Carnival, ungowokwandulela ukusungulwa kowalonyaka.

Izinduna zikhuthaza uzulu ukuba abofunda ukulingisela imikhuba emihle kwabokuza labo abazokwethekelela kuleli, ehlukane laleyo angawelelani layo.

Umdlalo weCarnival waqala kwele Zimbabwe ngomnyaka ka2013.

XS
SM
MD
LG