amalinks wokungena

Breaking News

Abe ZANU PF Baphazamisa Izifundo Zokulotshwa Kwesisekelo Sombuso


Laloba kuyinto ebekwe sobala ukuthi ezamabandla ezombusazwe akumelanga
zingene kudaba lokulotshwa kwesisekelo sombuso esitsha, abalwa impi
yenkululeko abangena izifundo zama Thematic Comittees babikwa beqhamuke ngengoma lokuhaya ibandla leZANU PF ezifundweni ezenziwe ngolweSibili.

Lesi sehlakalo sibikwa sitshiye abakade bekhona bethithibele ngoba
kuyinto akade bengayikhangeleli. kodwa umunye wabagcinisihlalo bekhomidi yedale lephalamende ebona ngokulotshwa kutsha kwesisekelo sombuso uMnumzana Paul Mangwana ubikwa ekhuze abalweli benkululeko laba waqonqosela ukuthi ezombusazwe azivunyelwa kuhlelo lokulotshwa kutsha kwesisekelo sombuso.

Abantu abedlula amakhulu ayisithupha abavela enhlanganisweni ezizimeleyo, lamalunga edale lephalamende baqale izifundo ngoMvulo zokuyathatha imibono kazulu ngesikhathi sokulotshwa kwesisekelo sombuso esitsha. Izifundo lezi ziqhutshelwa e Harare International Conference Center njalo zikhangelelwe ukuphela ngolweSine ekuseni.


kunjalo nje omunye wabangena lezizifundo evela koBulawayo uNkosazana
Melissa Ndlovu utshele uBrenda Moyo weStudio 7 ukuthi izifundo lezi ziqhubeka kuhle njalo sebezimisele ukungena ezigabeni ezitshiyeneyo zelizwe ukuyathatha imibono kazulu.

‚Äč
XS
SM
MD
LG