amalinks wokungena

Breaking News

Zimbabwe Democracy Instutite: I-Zanu PF Yehlukile Kulamanye Amabandla


Inhlanganiso eye Zimbabwe Democracy Institute.

Ucwaningo olwenziwe zinhlanganiso ezizimeleyo luveza ukuba ukuthathwa kombuso ngabebutho le Zimbabwe sokwenze kwaba sobala ukuthi ibandla leZANU PF alifani lamanye amabandla ezombuso ngoba phela lona lilibanti lebhulugwa labebutho.

Impumela yalolu cwaningo ivezwe kugwalo olwethulwe ngabenhlanganiso eye Zimbabwe Democracy Instutite (ZDI) abathi kusobala ukuthi ababebutho baqala kudala ukuthatha amandla ezombuso lobanje besithi asebantwini.

Ugwalo lolu oluhlose ukukhangelisisa ukuthi iZimbabwe iyangaphi ngemva kokukhitshwa kukaMongameli Robert Mugabe luveze ukuba abebutho kabathathanga umbuso ukuthi banike abantu kodwa bafuna ukubusa bona ngokwabo.

Umnumzana Bekezela Gumbo ongomunye wabalobe lolugwalo oesebenzela I Zimbabwe Democracy Institute uthi butho yilo eselizibusela elizweni njalo amabandla aphikisayo azabehkana lobunzima ekuthatheni umbuso. UGumbo uqhubeke ethi abebutho sebethethe intambo emithethwandaba, ephalamende, kwezokukhitshwa kwemibiko lakwezokhetho.

Isakhamuzi seHarare umnumzana Peter Sithole uthi kusobala ukuthi abebutho bahluthune umbuso ngenhloso yokufeza izifiso zabo hatshi uzulu njalo okudanisayo yikuthi amabandla aphikisayo kawakubonanga lokhu.

Eyinye njalo ingcwethi kwezombusazwe uMnu. Leopold Munhende uthi ibutho lingenelisa ukuletha inguquko ngokungalandeli imithetho eyafakwa ngowayenguMongameli Robert Mugabe.

Abenhlanganiso ye Zimbabwe Democracy Institute bakhuthaze uhulumende ukuthi kufuze alale izifiso zikazulu ngokuletha inguquko lokwehlukanisa umsebenzi wabakubutho ukuze bengabi kwezombusazwe.

please wait

No media source currently available

0:00 0:02:45 0:00

Facebook Forum

XS
SM
MD
LG