amalinks wokungena

Breaking News

COPAC: Siyajabula Ngokuza Kwabantu Emihlanganweni yeReferendum

  • Mavis Gama

Abekhomidi yephalamende eye COPAC bathi bayajabuliswa yindlela uzulu asekhuthalela ukungena imihlangano yokukhankasela ukwamukelwa kogwalo olukhangelelwe ukuba yisisekelo sombuso esitsha iDraft Constitution. Kodwa izakhamizi emhlanganweni owenzelwe eWaterfalls eHarare zikhala ngokuthi lokhe zingakalutholi lologwalo lanxa betholiswe olunciphisiweyo.

Abe COPAC bakhanya bejabulele ukuza kwabantu emhlanganweni owenzelwe emzini weWaterfalls ngolweSithathu, bewuchaza ukuba ubumuhle lanxa bebethi wedlulwe yilowo owenzelwe eMai Musodzi Hall eMbare ngoMvulo lapho okuze abantu abedlula inkulungwane eyodwa.

Lanxa abe bebethi ihamba kuhle imihlangano uzulu obesembuthanweni wangolweSithathu bebekhuluma bengakhululekanga kangako, ikakhulu abesifazana abesaba ukutsho imicabango yabo kuthi asebebadala yibo abekade bephosela imibuzo njalo bebonisa ukuba balolwazi olujulileyo phezu kwendaba obekukhulunywa ngazo.

Kubika intathelizindaba yeStudio 7 uMavis Gama osethulela loludaba ngokugcweleyo eseHarare.

please wait

No media source currently available

0:00 0:03:17 0:00
Lapho esitholakala khona
XS
SM
MD
LG