amalinks wokungena

Breaking News

Abesifazana Badinga Imali Ngamehlo Abomvu Yokwemba Okutshiyeneyo


Abanye abesifazane abadinga imali yokwemba okutshiyeneyo eZimbabwe.

Abesifazana abakubhizimusi lezokwemba aphatheka embukisweni weZimbabwe International Trade Fair (ZITF) Mine Entra obukisa okwenjiwayo, ezabomanjinela lezokuthwala abantu oqale koBulawayo ngoLwesithathu bathi labo bafuna uhulumende abatholise imali yokukhulisa amabhizimusi abo ngoba kudinga imali enengi.

Abesifazana laba bathi ukusungula ibhizimusi lokwemba kudinga imali enengi kodwa akulamali lemitshina yokusebenzisa ngakho badinga ukuphathiswa ngemali yokusebenzisa ukuze bathenge yonke into efunekayo amabhizimusi abo athuthuke.

UMongameli wenhlanganiso yabesifazana abakubhizimusi lokwemba iZimbabwe Miners Federation, uNkosikazi Apolinia Munzverengwi, uthe njengabomama badinga imali ngamehlo abomvu.

UNkosikazi Martha Thokozile Moyo laye okubhizimusi leli uthi akulula ukuthola imali yokuzithuthukisa.

Udubo ethi yikuba, kulabesilisa abangagovu abafuna ukubathathela imigodi yabo lobanje beyabe sebetshale imali enengi kumabhizimusi abo.

UNkosikazi Marbel Ndlovu uthi imigodi baphegelwa bagebha kodwa abalayo imitshina yokugiga amatshe aligugu awegolide.

Umbukiso walonyaka wezokwemba uqhutshwa phansi kwendikimba ethi “Exploring Linkages in the Mining value chain” njalo ukhangele ukuphela kusasa ngemva komhlangano weZMF Small Scale Miners.

Ezokwemba eZimbabwe yizo eziletha imali enengi ezweni.

IZimbabwe jikelele ilabesifazana abadlula inkulungwane ezinhlanu abakubhizimusi lezokwemba njalo uNkosikazi Siphiwe Dube wezansi yemandebeleni eMatobo nguye obikwa ethengisa igolide elinengi ukwedlula abanye abesifazana ezweni.

Amankampani afika ikhulu lamatshumi amabili 120 ayabukisa lonyaka eMine Entra 2017 kuthi amabili asuka eSouth Africa leChina.

Facebook Forum

XS
SM
MD
LG