amalinks wokungena

Breaking News

AbeMDC Allliance Badaniswe Yikubhubha KukaHonourable Miriam Mushayi,


Honourable Miriam Mushayi

Abebandla eliphikisayo ele MDC Alliance, bathi ukubhubha kwelunga labo ebelingummeli weKuwadzana edale lephalamende, uHonourable Miriam Mushayi, ayisikho kulahlekelwa kwabomdeni wakhe kuphela kodwa lemulini yakhe yebandla, lesigabeni asebenzele kuso okweminyaka.

Abasebenza lomuyi bathi balahlekelwe kakhulu, omunye wabo kungumnumzana Daniel Molokele omela isigaba se Hwange Central edale lephalamende kubandla linye eleMDC-A.

“Ngizizwa ngilahlekelwe kakhulu, ngingumuntu osebenze kakhulu lomhlonitshwa u Honourable Miriam Mushayi. Ngisebenze laye ku Committee ye Higher and Tertiary Education lapho akade engumuntu kade ezimisele, ezinikela kakhulu, ekade simethembile, so sizizwa njenge Committee silahlekelwe kakhulu. Njalo ngisebenze laye kakhulu ku NATIONAL STANDING COMMITTEE eye MDC Alliance ekade sisebenza khona since last year i Gweru Congress ize iyenzakale.”

Esinye isakhamuzi emzini weKuwadzana kuWard 37 umnumzana Maxwell Nokwara olilunga njalo lebandla le MDC Alliance laye, utshengise ukukhathazeka kakhulu ngokubhubha kukankosikazi Mushayi.

“Sasebenza kakhulu lomama uMiriam Mushayi kusukela ngo 2018. Sithi hayi, silahlekelwe kakhulu njengebandla leli ele MDC Alliance, kuyasidanisa kakhulu ngoba uMiriam Mushayi wayengumuntu osebenza ngokuzinikela emsebenzini wakhe. Ma nginanzelela imisebenzi yakhe yonke ayenzileyo, hayi ngiyabona ukuthi wayengumuntu owayesebenza okuqinileyo, ofuna ukuqhubekisela phambili umsebenzi wakhe, esebenzela ibandla lakhe, esebenza emzini wakhe.”

Kuthi u Councillor Jason Kautsa we Ward 37, eKuwadzana East uchaze umuyi njengomuntu owayesebenzisana kuhle lozulu kulesi sigaba seKuwadzana.

“Ungomunye wabameli ababegijigijima kakhulu nxa siqathanisa labanye abake bamela lesi sigaba. Kulusizi ukulahlekelwa nguye ngalendlela. Ngokumazi kwami, wayengekho lukhuni uMirriam Mushayi. Kuviki leyana eyedluleyo, ngemva kwale esiphuma kiyo, wabele abantu beKuwadzana impuphu, abantu bebemthanda kakhulu. Kungakho sithi lala ngokuthula Honourable Mushayi.”

U Kautsa ohlala eKuwadzana laye utshele lumsakazo ukuba umuyi ukhangelelwe ukubekwa eHurungwe ngoLweSine. Izihlobo labangane babuthene ku House Number 5 Power Close emzini we Ashdown Park

Facebook Forum

XS
SM
MD
LG