BULAWAYO —
Umkhokheli welinye lamacele e-MDC, uMnu Welshman Ncube ukhuthaza abasekeli bebandla lakhe ukuthi baphume ngobunengi ukuyavota mhla wokhetho bengaphanjaniswa zinkulumo zokudonselana ngelanga lokuvota kodwa batshengise uMongameli uRobert Mugabe ukuthi usephelelwe ngumphako akatshiyele abanye ithuba.
Ekhuluma labasekeli bebandla lakhe e-Matobo South, uNcube uthi uMugabe udinga ukulayelwa indlela yokuyaphumula ngoba usekhuluphele ukukhokhela ilizwe sokumkhulela.
Uthi ibandla lakhe lilamaqhinga amanengi okuguqula impilo kazulu ngokumenza ingxenye eqakathekileyo ekuthatheni izinqumo zokubuswa kwelizwe.
Ekhuluma mkhankasweni munye, unobhala jikelele walelibandla uNkosikazi Priscilla Misihairabwi Mushonga, uthi ibandla lakhe lizakwethula uluhlu lwezithembiso zokhetho, i -Election Manifesto, e-Binga ngeviki ezayo okuzaveza ukuthi leli libandla elijonge ukuguqula impilo zabahluphekayo.
Umsekeli walelibandla obekulo umkhankaso, uMnumzana Daniel Ndlovu, uthi uzimisele ukuvotela ibandla leli alinike ithuba lokubona ukuthi bazabusa njani.
I MDC isikhethe uMnumzana Discent Collins Bajila ukubamela e Matobo South. Uzancintisana loMnumzana Lovemore Moyo owelinye icele leMDC elikhokhelwa nguMnu Morgan Tsvangirai ongumeli walindawo edale lephalamende eseligqhiba umsebenzi ekupheleni kwale inyanga.
Ekhuluma labasekeli bebandla lakhe e-Matobo South, uNcube uthi uMugabe udinga ukulayelwa indlela yokuyaphumula ngoba usekhuluphele ukukhokhela ilizwe sokumkhulela.
Uthi ibandla lakhe lilamaqhinga amanengi okuguqula impilo kazulu ngokumenza ingxenye eqakathekileyo ekuthatheni izinqumo zokubuswa kwelizwe.
Ekhuluma mkhankasweni munye, unobhala jikelele walelibandla uNkosikazi Priscilla Misihairabwi Mushonga, uthi ibandla lakhe lizakwethula uluhlu lwezithembiso zokhetho, i -Election Manifesto, e-Binga ngeviki ezayo okuzaveza ukuthi leli libandla elijonge ukuguqula impilo zabahluphekayo.
Umsekeli walelibandla obekulo umkhankaso, uMnumzana Daniel Ndlovu, uthi uzimisele ukuvotela ibandla leli alinike ithuba lokubona ukuthi bazabusa njani.
I MDC isikhethe uMnumzana Discent Collins Bajila ukubamela e Matobo South. Uzancintisana loMnumzana Lovemore Moyo owelinye icele leMDC elikhokhelwa nguMnu Morgan Tsvangirai ongumeli walindawo edale lephalamende eseligqhiba umsebenzi ekupheleni kwale inyanga.