HARARE —
Abebandla leMavambo/Kusile/Dawn bathi kabasoze baba lomuntu ozancintisa esikhundleni sokudinga umongameli kukhetho oluzayo. Lelibandla lithi lizahlonipha oyabe ekhethwe ngumanyano wamabandla amahlanu owe Grand Coalition.
Umkhokheli weMKD, iDr Simba Makoni uveze lokhu emhlanganweni lentathelizindaba owenzelwe eHarare Sports Club eHarare ngoLwesine emini. Uthi abebandla lakhe bathethe lelinyanthelo ukuze kukhethwe oyedwa ozancintisa kulolukhetho evelela kwabazimisele ukuletha umbuso wenengi elizweni ngemva komhlangano wenkokheli zebandleni lakhe owenziwe ngoLwesibili.
Akatshongo kodwa uMakoni ukuba ngubani okhangelelwe ukukhethwa kulomanyano ukuncintisa kukhetho lukamongameli.
Abamabandla bakhangelelwe ukusa uluhlu lwamagama abazancintisa ezikhundleni ezehlukeneyo kusiyafika ihola lesine emini yantambama ngoLwesihlanu edale le Nominations Court.
Abe MKD bathi isikhathi sisesekhona sokuba kuvunyelwane phezu kwabazancitisa kukhetho bemela amabandla amahlanu la akulomanyano.
Mhla ka 13 kunyanga kaNhlangula kuwonalo umnyaka amabandla abalisa ele Zapu, MKD, Zanu Ndonga lamacele womabili awe MDC akuhulumende babumbe umanyano weGrand Coalition for Change emizameni yokuletha inguquko kuhulumende.
Umkhokheli weMKD, iDr Simba Makoni uveze lokhu emhlanganweni lentathelizindaba owenzelwe eHarare Sports Club eHarare ngoLwesine emini. Uthi abebandla lakhe bathethe lelinyanthelo ukuze kukhethwe oyedwa ozancintisa kulolukhetho evelela kwabazimisele ukuletha umbuso wenengi elizweni ngemva komhlangano wenkokheli zebandleni lakhe owenziwe ngoLwesibili.
Akatshongo kodwa uMakoni ukuba ngubani okhangelelwe ukukhethwa kulomanyano ukuncintisa kukhetho lukamongameli.
Abamabandla bakhangelelwe ukusa uluhlu lwamagama abazancintisa ezikhundleni ezehlukeneyo kusiyafika ihola lesine emini yantambama ngoLwesihlanu edale le Nominations Court.
Abe MKD bathi isikhathi sisesekhona sokuba kuvunyelwane phezu kwabazancitisa kukhetho bemela amabandla amahlanu la akulomanyano.
Mhla ka 13 kunyanga kaNhlangula kuwonalo umnyaka amabandla abalisa ele Zapu, MKD, Zanu Ndonga lamacele womabili awe MDC akuhulumende babumbe umanyano weGrand Coalition for Change emizameni yokuletha inguquko kuhulumende.
