amalinks wokungena

Breaking News

Abenhlanganiso Ezizimeleyo Bathi Akubaphathi Kuhle Ukunyamalala KukaChizuze


Inhlanganiso ezizimeleyo seziveze ukukhathazela ngokunyamalala komlweli wamalungelo oluntu oselamaviki amathathu engabonakali.

UMnu Paul Chizuze ubikwa esuke emzini wakhe koBulawayo mhlaka 8 kulinyanga etshayela imota yohlobo lweNissan Hardbody kodwa kazange abe esaphenduka.

UChizuze usebenze kakhulu lenhlanganiso ezigoqela iAmani Trust, ZimRights, Churches in Bulawayo, Catholic Commission for Justice and Peace kanye lezinye ezitshiyeneyo.

Embikweni eziwethule ngoLwesibili, inhlanganiso ezigoqela iZimbabwe Lawyers for Human Rights, Radio Dialogue lezinye zicele umphakathi ukuthi uncedise ekudingeni uChizuze.

Zengeze zathi zesabela ukuthi engaba ebulewe kumbe ukuthunjwa, kodwa azizange ziveze ukuthi zicabangela ukuthi ngubani ongaba enze lokhu.

UChizuze usebenze njalo lomphathintambo wezemfundo uMnu David Coltart ekudingeni owayekhokhela umkhankaso kaColtart kukhetho luka2000 uMnu Patrick Nabanyama.

UNabanyama wanyamalala kokuphela njalo lanamuhla lokhu akwaziwa ukuthi wadliwa yini. UMnu Coltart yena uchaze uChizuze njengendoda elokuzinikela okukhulu kundaba zamalungelo oluntu.

Umqondisi weHabakkuk Trust, uMnu Dumisani Nkomo utshele iStudio 7 ukuthi abalwela amalungelo oluntu elizweni jikelele badane kakhulu ngesehlakalo lesi.

XS
SM
MD
LG