amalinks wokungena

Breaking News

Kutshengisela Abenhlanganiso Zelungelo Loluntu

  • Mavis Gama

Phose ikhulu lamalunga enhlanganiso ezilwela ilungelo loluntu zitshengisele emthethwandaba kamantshi ngolweSihlanu emini zikhonona phezu kokubotshwa okungekho emthethweni kwegqwetha elilodumo uNkosikazi Beatrice Mtetwa. Ngasikhathi sinye umtethwandaba waphezulu owe High Court udlulisele phambili isicelo sokuba Mtetwa labanye bakhe abahlanu batholiswe ithuba lokuhlawula imali yesibambiso eye bail ukuze bathoniswe bevela emakhaya abo kulokuthi baqhubeke bevalelwe.

Amane avumbuluka nje emasangweni edale likamantshi ngolweSihlanu ngesikhathi sokudla kwemini lamalunga avele enhlanganisweni okubalisa eyezifundi zeUniversity yeZimbabwe, iCombined Residents Association -CHRA kanye leye Crisis Coalition in Zimbabwe.

Amalunga la abethwele amabhakana alotshwe imibiko esola ukwenza kwabomthetho ecula lemiculo yokukhonona phezu kokuhlukuluzwa kukazulu mahlayana kanye labalwela ilungelo loluntu abagoqela igqwetha elilodumo uNkosikazi Beatrice Mtetwa..

Akekho obotshiweyo kulesi sehlakalo sokutshengisela lanxa beke baxotshanisana lamapholisa .

please wait

No media source currently available

0:00 0:04:03 0:00
Lapho esitholakala khona
XS
SM
MD
LG