amalinks wokungena

Breaking News

Abesifazana: Sifuna Imali Yokusungula Amabhizimusi


Abesifazana abangene umbukiso wamanina abakubhizimisi, iWomen's Business Expo ngempelaviki bathi kuqakathekile ukuthi abesifazana bathole imali kanye lolwazi lokusungla amabhizimisi lokuqhelisa lawo avele belawo ngoba labo belomlandu wokuphathisa ekuvuseleleni inotho yelizwe.

Umbukiso lo ohlanganise abesifazana bakoBulawayo abakumabhizimisi atshiyeneyo ubungowakuqala waloluhlobo lonyaka kulandela owake waphathwa ngomnyaka ka 2011.

Umhlangano lo uza ngesikhathi ilizwe lidinga indlela ezitshiyeneyo zokuvuselela inotho yelizwe kanye lokuzama ukuthi kuvulwe amankampani aqhubeka evala elizweni.

Lanxa kuvala amankampani ezigabeni ezitsheyeneyo zempilo, loluhlupho lukhanya luthwalise abalungisa amalembu i Textiles Industry amagabha avuzayo ukwedlula zonke ezinye inhlangothi.

ITextiles Industry eyayiqhatsha abesifazana abanengi iyehluleka ukuncintisana lempahla egqokwayo elentengo enganeno engena elizweni ivela emazweni anjenge China le South Africa.

Inhlanganiso yeNgilandi encedisa uzulu iDepartment for International Development ithi ukulinganiswa kwamathuba abesifazana labesilisa kuqakathekile hatshi nxa kukhulunywa ngamalungelo oluntu kuphela kodwa lalapho kudingwa amacebo okuthuthukisa inotho yelizwe ngoba ukuqeda udubo kubomama kuyikuluqeda lakumantombazana, abafana kanye labesilisa ngokwabo.

Inani labantu abangasebenziyo elizweni kumbe abaqhatswe ukwenza umsebenzi ongayisiwo abafundela ukuwenza i- under employment ibikwa ifika kumatshumi ayisitshiyagalo mbili ekhulwini – 80%.

Lanxa nje abesifazana bakuleli abanengi bephatheke kumabhizimisi amancane bayenelisa ukondla izimuli zabo ngesikhathi inengi labesilisa lilahlekelwa yimisebenzi ngenxa yokuvalwa kwamankampani.

Umumo wenotho ulokhu umubi kubosomabhizimisi lanxa uhulumende edinga amaqhinga okuwavikela anjengesikhwama seDistressed Industries and Marginalised Areas Fund elokhu imelelwe ngabanengi.

please wait

No media source currently available

0:00 0:05:06 0:00
Lapho esitholakala khona
XS
SM
MD
LG