amalinks wokungena

Abesifazana Bakhala Ngobunzima Bokungena Kwezamabhizimusi

  • Mavis Gama

Abanye abesifazana akade benanza ilanga le International Women's Day eHarare.

Ilizwe leZimbabwe limanyane lamazwe womhlaba jikelele ukunanza usuku oluqakathekisa imisebenzi yabesifazane olwe International Women’s Day ngesikhathi kulokukhalaza kwabesifazane besithi lokhe bebhekane lobunzima ekuqhubeni imisebenzi yabo.

Abesifazana bathi kunzima ukungena kwezamabhizimusi ngesikhathi umnotho welizwe ugugudeka okumangalisayo.

UNkosikazi Mavis Makuve olungisa izikhwama ezibizwa ngokuthi ngama Temp-bag
UNkosikazi Mavis Makuve olungisa izikhwama ezibizwa ngokuthi ngama Temp-bag

Ngasikhathi sinye, abeqembu lezomculo ele Zanu PF Mbare Chimurenga Choir baxotshiwe emkhosini lo ngoba baze begqoke impahla yebandla emphakathini.

Bakhonone langokuthi kabazange bangeniswe lakuhlelo lokulibazisa uzulu emkhosini lo eHarare.

Umkhosi walonyaka uqhutshwe ngaphansi kwesihloko esithi “The Woman we Want is Bussinessminded, Brainy, Bold, Blessed and Bankable”, kuthi-ke esomhlaba wonke jikelele kade sisithi ‘Be Bold for Change for Women in the Changing World of Work: Planet 50-50 by 2030’.

UNkosikazi Nompumelelo Hlanganiso okubhizimusi lokulima imbhambhayila eHunters Road eNkabazwe.
UNkosikazi Nompumelelo Hlanganiso okubhizimusi lokulima imbhambhayila eHunters Road eNkabazwe.

Lanxa umkhosi wokunanza usuku lolu kade ugxile igxile kwezabesifazane abakubhizimusi, bayakhala abesifazane laba abathi bahlangana lenkinga ezinengi lapho beqhuba imisebenzi yabo, kakhulukazi kwezokuswela imali yokusebenzisa ukuthuthukisa amabhizimusi abo.

Omunye walabo otshengise lokhu kukhathazeka ngolebhizimusi lokulima imbambayila endaweni ye Hunters Road eNkabazwe, uNkosikazi Nompulelo Hlanganiso, othe luqakatheke kakhulu kuye usuku lolu.

UNkosikazi Hlanganiso utshengise ukukhathazeka njalo ngendlela abesifazana abakubhizimusi njengaye abaphathwa ngayo.

UNkosikazi Perpetua Maphosa, wasemzini we Kuwadzana 6 eHarare yena okubhizimusi lokulungisa izikhwama zabomama esebenzisa ubuhlalu ngaphansi kwenhlanganiso ethiwa yi Grassroots Women, laye ugcizelele imbono ka Hlanganiso.

Kodwa uNkosikazi Milcah Chitsa, ophatheke kubhizimusi lokuthengisa amanzi kunkampani ye The WaterTree, uthe kunganeno kulelibhizimusi ngoba bengelazo indleko ezinengi.

Omunye njalo, uNkosikazi Siphiwe Chabikwa, ongomunye wabesifazane akade bengazi ngalolusuku, ukubone kuqakathekile ukuba aze laye ukuzaphatheka emkhosini walomnyaka.

Ucommissioner Jessica Moyo okade ebukisa impahla zezibotshwa.
Ucommissioner Jessica Moyo okade ebukisa impahla zezibotshwa.

UNkosikazi Chabikwa wengeze esithi udaniswa yindlela abesifazane abaqhubeka bephathwa ngayo elizweni.

Lumbuthano ungenwe yiziphathamandla ezivele kunhlangothi ezehlukeneyo zelizwe okubalisa abomanyano wamazwe omhlaba eyeUnited Nations, uhulumende, inhlanganiso ezehlukeneyo, uzulu kanye lamalunga eMbare Chimurenga Choir, wona abethithibele sonke lesi isikhathi.

Facebook Forum

XS
SM
MD
LG