BULAWAYO —
Inhlanganiso zabesifazana zithi ngoLwesithathu umuntu wonke weZimbabwe, ikakhulu abesifazana, ayesebenzisa ilungelo lakhe lokutsho ukuthi ufuna ukukhokhelwa ngubani okweminyaka emihlanu ezayo. Zithi njalo kungumlandu wezizalwane zalelo lizwe wokuthi ziqakathekise ukuphathwa kokhetho ngokuthula kungela budlwangudlwangu.
Asebenzile amabandla ezombusazwe akuleli kunyanga le ekhankasa kanzima engena elizweni lonke enyakatho, eningizimu, ezansi lasenhla edinga usekelo kukhetho lwangoLwesithathu. Soluze lwafika lolosuku.
UNkosikazi Belinda Ncube, osebenza labesifazana uthi kuyiwa kukhetho ngoLwesithathu ukhuthaza ukuthi omama basekelane ukuze bangene ngobunengi ephalamende lasekhansilini.
Omunye njalo osebenza labesifazana, uNkosikazi Zandile Sifelani laye ugida ingoma efanayo, esithi kuqakathekile ukuvotela abesifazana okuyibo abazwisisa indingeko zabomama kanye labantwana.
UNkosikazi Ncube, wengeze esithi mnengi umsebenzi okuyikho uzaphathwa ngabammeli abazangena ephalamende owasala kusisekelo sombuso esitsha khungakho kuqakathekile ukukhetha abantu abazwisisa ukuqakatheka kokubekwa kwemithetho ethuthukisa amalungelo abantu bonke.
Uthi minengi imithetho ekusisekelo sombuso esitsha okutshengisa ukuthi abazangena kudale lephalamende yibo abaphethe ikusasa yelizwe ngokubeka imithetho ezakutsho ukuthi ilizwe liqonda ngaphi.
UNkosazana Lindile Ndebele, osebenzelana labesifazana ababhekana lodlakela, uthi kungenzeka ukuthi omama ngoLwesithathu bathikaze ukuyavota ngenxa yokwesaba kodwa kuqakathekile ukuthi basebenzise lelithuba ukuguqula impilo zabo.
Uthi udlakela luza ngendlela ezitshiyeneyo kusukela ezimulini kusiya elizweni lonke jikelele okwenza abesifazana babuyele nyovane lapho kuvotwa kodwa kumele bakhuthazane babizane ukuthi bayevota ngoLwesithathu.
USifelani uthi omama bayaxwayiswa ukuthi ngoLwesithathu bangahambi bodwa ikakhulu emaphandleni kumbe endaweni lapho okulomango omude ukuyalapho okuvotelwa khona kodwa bakhaphane labomakhelwane labangane.
Uthi kuqakathekile njalo ukuthi lapho kuthe kwaqhamuka umsindo bangamelani lawo kodwa babaleke ngoba phela kibo kagwala akulasililo.
UNkosazana Samukeliso Khumalo, ongumqondisi wenhlanganiso yabomama iWomen in Leadership Development, uthi abesifazana kumele basebenzele ukuletha ukuthula kulolukhetho bangaphatheki kudlakela kodwa babe yibo ababhula umlilo lalapho ukhetho soludlulile.
Ukuvota kuqala ngoLwesithathu ekuseni ngehola lesikhombisa kusiyavalwa ngehola elifanayo ntambama.
Inhlanganiso ephethe lolukhetho iZimbabwe Electoral Commission, isixwayise abantu ukuthi bahambe ukuyavota kusesemasinya ukuze bengatshonelwa lilanga lokhe belayinele ukuvota. I ZEC ithi ilendawo zokuvotela inkulungwane phose ezilitshumi – 9 670, eziyabe ziphethwe litshumi lanye labantu abavotisayo ngandawo.
Impumela yokhetho yabokhansila ikhangelelwe ukwethulwa kumaward, eye dale lephalamende ezigabeni kuthi ekamongameli izakwethulwa esigodlweni eHarare kungakedluli amalanga amahlanu kuphethwe ukhetho.
Asebenzile amabandla ezombusazwe akuleli kunyanga le ekhankasa kanzima engena elizweni lonke enyakatho, eningizimu, ezansi lasenhla edinga usekelo kukhetho lwangoLwesithathu. Soluze lwafika lolosuku.
UNkosikazi Belinda Ncube, osebenza labesifazana uthi kuyiwa kukhetho ngoLwesithathu ukhuthaza ukuthi omama basekelane ukuze bangene ngobunengi ephalamende lasekhansilini.
Omunye njalo osebenza labesifazana, uNkosikazi Zandile Sifelani laye ugida ingoma efanayo, esithi kuqakathekile ukuvotela abesifazana okuyibo abazwisisa indingeko zabomama kanye labantwana.
UNkosikazi Ncube, wengeze esithi mnengi umsebenzi okuyikho uzaphathwa ngabammeli abazangena ephalamende owasala kusisekelo sombuso esitsha khungakho kuqakathekile ukukhetha abantu abazwisisa ukuqakatheka kokubekwa kwemithetho ethuthukisa amalungelo abantu bonke.
Uthi minengi imithetho ekusisekelo sombuso esitsha okutshengisa ukuthi abazangena kudale lephalamende yibo abaphethe ikusasa yelizwe ngokubeka imithetho ezakutsho ukuthi ilizwe liqonda ngaphi.
UNkosazana Lindile Ndebele, osebenzelana labesifazana ababhekana lodlakela, uthi kungenzeka ukuthi omama ngoLwesithathu bathikaze ukuyavota ngenxa yokwesaba kodwa kuqakathekile ukuthi basebenzise lelithuba ukuguqula impilo zabo.
Uthi udlakela luza ngendlela ezitshiyeneyo kusukela ezimulini kusiya elizweni lonke jikelele okwenza abesifazana babuyele nyovane lapho kuvotwa kodwa kumele bakhuthazane babizane ukuthi bayevota ngoLwesithathu.
USifelani uthi omama bayaxwayiswa ukuthi ngoLwesithathu bangahambi bodwa ikakhulu emaphandleni kumbe endaweni lapho okulomango omude ukuyalapho okuvotelwa khona kodwa bakhaphane labomakhelwane labangane.
Uthi kuqakathekile njalo ukuthi lapho kuthe kwaqhamuka umsindo bangamelani lawo kodwa babaleke ngoba phela kibo kagwala akulasililo.
UNkosazana Samukeliso Khumalo, ongumqondisi wenhlanganiso yabomama iWomen in Leadership Development, uthi abesifazana kumele basebenzele ukuletha ukuthula kulolukhetho bangaphatheki kudlakela kodwa babe yibo ababhula umlilo lalapho ukhetho soludlulile.
Ukuvota kuqala ngoLwesithathu ekuseni ngehola lesikhombisa kusiyavalwa ngehola elifanayo ntambama.
Inhlanganiso ephethe lolukhetho iZimbabwe Electoral Commission, isixwayise abantu ukuthi bahambe ukuyavota kusesemasinya ukuze bengatshonelwa lilanga lokhe belayinele ukuvota. I ZEC ithi ilendawo zokuvotela inkulungwane phose ezilitshumi – 9 670, eziyabe ziphethwe litshumi lanye labantu abavotisayo ngandawo.
Impumela yokhetho yabokhansila ikhangelelwe ukwethulwa kumaward, eye dale lephalamende ezigabeni kuthi ekamongameli izakwethulwa esigodlweni eHarare kungakedluli amalanga amahlanu kuphethwe ukhetho.