amalinks wokungena

Omama Bajabulela Uhlelo Lokulinda Ukubeletha Ekilinika yeMakhaza eTsholotsho


Umama obelethele ekilinika yeMakhaza, eTsholotsho, esabelweni seMatabeleland North.

Izakhamizi zeMakhaza eTsholotsho zamukele ngenjabulo uhlelo lokulinda kwabomama abazithweleyo ekilinika yeMakhaza besithi sekuhlenge imphefumulo eminengi njalo kuyabasiza ukungahambi imango emide lapho sebehelelwa kumbe bezohlolwa ngabezempilakahle.

Ngokubona ukuthi omama abazithweleyo balumango bebehamba umango omude besiyadinga usizo lwempilakahle ezibhedlela, ugatsha lwezempilakahle lokubone kufanele ukuphuma lohlelo lokuthi omama abazithweleyo benelise ukulinda besezibhedlela kumbe emakilinika baze babelethe.

Inengi labahlala emaphandleni bahamba umango omude besiyadinga usizo lokwelatshwa okuba nzima okuphethwe kabili kubomama abazithweleyo abanengi bacine bebanjwa ngamandla ukubelethela ngekhaya kufaka impilo yabo lengane engozini.

Abesifazana abamelele abakuhlelo lokubeletha eMakhaza Clinic.
Abesifazana abamelele abakuhlelo lokubeletha eMakhaza Clinic.

UNkosikazi Simangokuthula Ncube, obelinde ukubelethela ekilinika yeMakhaza, uthi ulinde phose okwenyanga ezimbili kodwa ukubone kungcono kulokubelethela ngekhaya.

“Inengi lithi ukulinda kwenqabela ingozi ezinengi nomanje uhlupho yikuba abantwana basala bengela obakhangelayo ngekhaya.”

UNkosikazi Thenjiwe Moyo laye uthi kuyanceda ngempela ukulinda usesibhedlela njalo kubalula ngoba uyabe usezandleni zabezempilakahle.

Isakhamuzi seTsholotsho, uNkosikazi Queen Moyo, uthi zinengi ingozi ezibakhona nxa umama engabanjwa ngamandla ukubelethela ngekhaya lapho uhlelo lokulinda lungekho.

Kodwa ukhale ngokuthi ngabe kuyengezwa amandla kagetsi lokudla ngoba okwamanje kumele basuke lokudla kwabo emakhaya.

Uhlelo lolu luqhutshwa ekilinika yakoMakhaza
Uhlelo lolu luqhutshwa ekilinika yakoMakhaza

Inengi labomama abazithwelelyo emaphandleni eZimbabwe lokhe behamba imango emide ukuze bafinyelele usizo lokwelatshwa.

Omama abalinde ukubeletha eKilinika yeMakhaza eTsholotsho bebehamba amakhilomitha edlula itshumi ukuze bafinyelele esibhedlela.

Kulandela uhlelo lokulinda andubane ubelethe, oMama abanengi bathi inhlupho ababhekane lazo sezinganeno kodwa lokhe becela uhulumende ukuthi abasize ngokudla lamandla kagetsi.

Facebook Forum

XS
SM
MD
LG