amalinks wokungena

Breaking News

Abesifazana BeZanu PF, MDC leMDC-T Basola Udlakela

  • Ntungamili Nkomo

Abesifazana bamabandla amathathu akuhulumende womanyano athi iZanu PF, MDC leMDC-T bamanyene eHarare ngoLwesihlanu betshengisela ezitaladeni phezu kodaba lodlakela.

Abasifazana laba abakade befika amakhulu amabili, batshengisele besuka ehwetheleni yeCrown Plaza besiya edale lephalamende lapho abafike batshiyela umkhokheli weSenate uNkosikazi Ednah Madzongwe izikhalazo zabo.

Bathi ukuhlukuluzwa kwabesifazana labantwana kumele kuphele, kuqhutshwe ukhetho olulokuthula.

Ukutshengisela lokhu kuza ngemva kokutshiselwa endlini kwengane yesiphathamandla seMDC-T eHeadlands ngabantu abacatshangelwa ukuthi ngabasekeli beZanu PF kanye lokudlwengula lokubulawa kwentombazana eleminyaka elitshumi lanye uTsitsi Stacey Munjoma ngeviki edluleyo.

Abakhokhele ukutshengisela lokhu nguNkosikazi Oppah Muchinguri oweZanu PF, uNkosikazi Thandiwe Mlilo oweMDC kanye loNkosikazi Sibusisiwe Masara oweMDC ekhokhelwa nguMnumzana Morgan Tsvangirai yena osole kakhulu udlakela kungxoxo ayenze leStudio 7.

please wait

No media source currently available

0:00 0:01:18 0:00
Lapho esitholakala khona

Amazwi kaNkosikazi Masara agcizelelwe nguNkosikazi Mlilo owebandla leMDC ekhokhelwa nguMnumzana Welshman Ncube laye obekade ekulokhu kutshengisela eHarare.

please wait

No media source currently available

0:00 0:01:32 0:00
Lapho esitholakala khona
XS
SM
MD
LG