Izakhamizi zedolobho leChinhoyi zithi uhulumende kumele alungisise imithetho ephathelane lomsebenzi wokwemba ukuze imigodi yegolide engasasebenzi ingabi yingozi empilweni yabantu leyenyamazana zendle.
Lokhu kuphume emhlanganweni oweTown Hall oqoqwe ngabomsakazo oweVOA bemanyene labeMedia Centre, eChinhoyi ngoLwesihlanu.
Ekhuluma emhlanganweni lo, isikhamuzi seChinhoyi uMnu Tendai Musonza uthi uhulumende kumele abone ukuba imithetho ayifakayo ngenceda ukuvikela inhlupho ezinje.
“Uhulumende kumele afake imithetho engenza ukuba abantu nxa beqeda ukukwemba igolide bavale imigodi yabo”
Lokhu kusekwelwe nguMnu Ernest Mudzengi oweMedia Center yena othi ugatsha lwezemvelo kumele lulungisise loludubo.
“Uhulumende asebenze le EMA ukuze imigodi ithathwe ukuzwe abantu bengafi njengalokhu esikuzwileyo ukuba kwafa abantu abanengi”
Isiphathamandla sohlangothi lokulondolozwa kwezemvelo olwe EMA uMnu Munyaradzi Shoko uthe bahlezi bekhuthaza ukulondolozwa kwemvelo emsebenzini wokwemba.
“Sicela abemba igolide ukuba baziqoqe baze kuhulumende ukuba benze umsebenzi wabo ngendlela ezinhle ezigcina imvelo, bagcine imvelo. Sithanda ukubonga i VOA ngokusipha lelithuba”
UMudzengi uthi kuqakathekile ukuba uhulumende asize ngokwabela ulwazi lokulondolozwa kwemvelo.
“Udubo lukuhulumende ukuthi abantu bafuna ukzwemba bengakhathali ukuba imvelo yenziwani, njalo kabatholi imithetho encedayo”
Abangene umhlangano wayizolo abangaba ngamatshumi amahlanu bavumelene ukuba uhulumende kumele abe lesikhwama semali ezanceda ukuvala amagodi atshiywa yilabo abathi bangaqeda ukusebenzisa umgodi bawuthsiye uvulekile usuyingozi ebantwani lakuzifuyo.
