amalinks wokungena

Breaking News

AbeWILD Bananza i16 Days Activism Against Gender Based Violence


Ekunanzweni kwe 16 Days Activism Against Gender Based Violence
Ekunanzweni kwe 16 Days Activism Against Gender Based Violence

Abalwela amalungelo oluntu ikakhulu abesizafana lamantombazana bathi ukuqhamuka komkhuhlane weCovid 19, lonyaka kwengeze inhlupho zokuhlukunyezwa kwabomama ezindlini.

Ele Zimbabwe limanyene lamanye amazwe womhlaba ekunanzeni umkhankaso wokukhuthaza ukuqedwa kodubo lokuhlukumezana ngobulili, owe 16 Days of Activism Against Gender Based Violence, osungulwe izolo mhla ka 25 Lwezi, usiyaphela mhla ka 10 ngenyanga ezayo kaMpalakazi.

Ukusungula umkhankaso walonyaka ohamba ngendikimba ethi, “Orange the World, Fund, Respect, Prevent, Collect” kube lemikhosi etshiyeneyo elizweni jikelele ezaqhubeka kuze kube ngenyang’ezayo.

E Harare lumkhankaso usungulwe ngumbuthano owenzelwe ehoteleni eyeHICC oqoqwe ngabedale lephalamende abanxuse abazinye inhlanganiso ezizimeleyo okugoqela abomanyano wamazwe womhlaba abeUnited Nations. Ekhuluma emkhosini lo umkokheli wedale leSenate, uNkosikazi Mabel Chinomona ukhuthaze amalunga edale lephalamende, abezinkonzo labenhlanganiso ezizimeleyo ukuthi bamanyane ekulwiseni udubo lokuhlukumezana.

Abe United Nations bathi ngesikhathi ilizwe liphakathi kokulwisana lokumemetheka kweCovid-19 kube lokuqonga kwezehlakalo zokuhlukunyezwa kwabesifazana lamantombazana.

Ko Bulawayo abenhlanganiso ezitsheyeneyo ezilwela amalungelo oluntu ziqoqe imicimbi yokunanza lumkhankaso. Eyinye yalezi nhlanganiso yiWomen’s Intitute of Leadership Development-WILD. I-Studio 7 ibe lethuba lokuxoxa lesiphathamandla seWILD uNkosikazi Bridget Ndlovu ochasisa ngenhlelo zabo kumaviki amabili alandelayo zokunanzwa i-16 Days of Activism Against Gender Based Violence.

“Ngalesi sikhathi seCovid 19 sinanzelele ukuthi izehlakalo zokuhlukunyezwa kwabomama ziqanse kakhulu ngakhoke siqoqa ukuletha ndawonye omama ukuba baxoxisane baphume lamacebo wokuqeda loluhlupho olweGender Based Violence” kutsho uNkosikazi Ndlovu.

please wait

No media source currently available

0:00 0:03:43 0:00
XS
SM
MD
LG