amalinks wokungena

Breaking News

Abasemazweni Bathi Uzibuse weZimbabwe Uyize


Zimbabwe Independence Robert Mugabe
Zimbabwe Independence Robert Mugabe

Inengi lezizalwane zeZimbabwe ezihlala emazweni awezwekazi leEurope zithi ilanga likazibuse alitsho lutho kuzo ngoba kungelanto abayitholayo ngozibuse ngaphandle kokuhlupheka ngakhoke lolusuku luyafana nje lamanye kungela sizatho sokuthi zilinanze.

Umhlaka 18 kuMabasa lilanga lapho iZimbabwe eyathola khona uzibuse kodwa abanengi bathi lelilanga libakhumbuza okubi kuphela ngeZimbabwe.

Umnunzana Sipho Khumalo ohlala eCoventry kweleNgilandi uthi kamazi uzibuse

“Iindependence eZimbabwe it never existed vele ayizange yabakhona,ngabeyayikhona ngabe abantu bakhululekile ngabe abantu benza noma yini abayifunayo okusemthethweni.AmaNdebele ayaliswa ukuthi bagcobe inkosi yabo okusemthethweni ukuthi bacelebrathe isiko labo iculture yabo bayaliswa ukuthi bayenze so ukukhulileka lithi kungaphi khonapha elizweni okusalayo abantu bazayaliswa ukuthi bahambe emaChurch,ukuthi bayesonti Zayoni noma yiPostoli bazayaliswa kuthwe khona its unconstitutional so i Idependence ingaphi khonalapho,” kutsho uKhumalo.

UMnunzana Mehluli Mpofu ohlala kweleBelgium uyagcizelela: “Iindependence kimi ayitsho lutho because namanje asikabi free ukuthi uMgabe uhambile kumbe ukhona kuyafanana utshiye the same people abayibo abasihlukumezayo from that time sithola leyo Independence so to me Independence means nothing sisazoyithola i Independence.”

UMnzunzana Kevin Moyo ohlala eRepublic of Ireland uthi abantu abangakhumbuli leli langa ngobubi kuphela, kabakhumbule lobuhe bokuthola uzibuse

“Mhla zilitshumi lasitshiya galombili kuMabasa kwabalilanga lokukhululeka lase Zimbabwe lithatha umbuso emakhiweni.Akusikho okuhle kodwa okukhunjulwayo lokubi kuyakhunjulwa lilangelibi liyakhunjulwa kalilahlekeli kalicitshi engqondweni zabantu.Ngakho lelilanga likabili lilokuzibusa libuye libe lilanga lapha okwaqala khona inkathazo elizweni laseZimbabwe kdwa siyalikhumbula kuphela lanxa kunjalo,” kutsho uMoyo.

langa likazibuse kumele libekhefu lokujabula kugidwe, kudliwa, kunanzwa inkululeko ethalakala ngemva kokuchitheka kwegazi labalwa impi yokhulula ilizwe embusweni wabahuquluzi benotho.

Kodwa isimanga kukhanya kungenjalo kwazinye zezizalwane zeZimbabwe ezihlala eEurope. Inengi lithi ukugenqulwa kukaMugabe akulethanga inguquko abakade beyikhangelele ngoba zimbila zantabanye loMongameli Emmerson Mnangagwa.

XS
SM
MD
LG