amalinks wokungena

Breaking News

AbeZimbabwe Abaphephele eBotswana Bakhala Ngesiphatho Esibi eDukwi Camp


Enkambeni yeziphepheli eyeDukwi kweleBotswana

Ngesikhathi kunanzwa ilanga leziphepheli eleWorld Refugee Day yonale iviki mhlaka 20 Nhlangula, abeZimbabwe abahlala enkambeni yeDukwi kweleBotswana, bathi impilo njengesiphepheli kayikwabitheki ngitsh lakancane, bengazi ukuthi ikusasa ibaphatheleni.

Kuleziphepheli ezidabuka eZimbabwe eziphose zifike amakhulu ayisikhombisa ezihlala enkambeni yeziphepheli eyeDukwi Refugee Camp ngaphandle nje, kwedolobho leFrancistown.

Inengi leziphepheli labalekela udlakela ngesikhathi sokhetho lokudinga umongameli weZimbabwe ngomnyaka ka 2008.

Kodwa noma zathola ukuvikelwa kweleBotswana, iziphepheli lezi zithi impilo yokuhlala enkambeni yeziphepheli kayikwabitheki.

Umnunzana Bhekimpilo Weza, yena ongumqondisi weziphepheli eDukwi, uthi akumnandi ngitsho lakancane ukuhlala enkambeni.

“Impilo njengeziphepheli, ayisiyo mpilo engafiswa ngumuntu wonke ukuthi ayiphile. Ayisikho kuthanda kwethu, kodwa kuyenziwa ngumumo ukuthi siphume elizwe lethu sizoba yiziphepheli.”

UWeza uthi kubuhlungu ukuthi njengesiphepheli, awulamphahla engeyakho. Njalo uthi iziphepheli azitholi amalungelo azo ngokupheleleyo, ngoba bencidezelwa.

“Nxa uhlezi endaweni enjangele uthola ukuthi kulokuncidizwela, ngoba uma ungatholi amalungelo, uyabe uphakathi koncindezelo. Wena okufunayo yikuphila kuphela kulokuthula, kodwa emoyeni uyabe ukhathazekile.”

UWeza uthi noma nje impilo ilukhuni, bayathola isikhathi sokuzilibazisa, bedlala ibhola, kulamaqembu atshiyeneyo ancintisanayo.

“Isikhathi esinengi basichitha ngokwenza imsebenzi abayenelisa ngezandla, kumbe bedlala ibhola lokugijima khonapha phakathi enkambeni, bezama ukuthi isikhathi sidlule.

Okukhathaza uWeza lezinye iziphepheli yikuthi ikusasa ibaphatheleni, bengazi ukuthi bazabuyiselwa ekhaya, bazamukelwa kwabanye be Botswana, kumbe bazahanjiswa elizweni lesithathu, uma bengabuyelanga ekhaya.

Amazwi kaWeza agcizelelwe ngu mnunzana Wasu Chibi oyisiphephle esihlala eDukwi, othi ukuba yisiphepheli akulula, umuntu engacina edukelwa ngumqondo, kungaziwa ukuthi ikusasa imumetheni.

“Impilo yama refugees ibuhlungu kakhulu, ngingathi ayiqondanga, ungacina uphambana.”

Laye ukhala ngokuthi ngabe bayatshelwa ukuthi bazakuyakuphi, ukuthi bazaphiwa amaphepha wokuba ngabeBotswana, kumbe bazahanjiswa ekhaya.

“Akulasikhathi esibekiweyo ukuthi sizaphathiswa nini. Manje uyahlala impilo yakho yonke ungakwazi ukuthi kuzakwenzakalani. Kade ubuza ukuthi isikhathi sethu sisichitha njani, akulanto okuthiwa yispare time, ngoba sitshona singenzi lutho, akulanto yokwenza.”

Kulehlekana elaphindela ekhaya ngemva kokuba uhulumende weZimbabwe leBotswana becele ukuthi babuyele nyakenye. UChibi uthi labo abaseleyo abangeke bacabange ngakusasa, ngoba akulanto ebambekayo abangayenza. Uthi noma nje yonke into ilokubi lokuhle, ukubayisiphepheli akula okuhle.

“Ngiyazi ukuthi akulanto ongathi imbi kungelabuhle ngayo. Kodwa mina ngokuhlala enkambeni, angikaboni into enhle ngakho, ngibona zonke izinto zizimbi kuphela.”

Noma nje iziphepheli zikhala ngempilo enzima enkambeni, lesilinganiso sokudla abakuphiwayo selehlisiwe, inengi liyadonda ukuphindela ekhaya, lisithi alithembi uhulumende omutsha kamongameli Emmerson Mnangagwa njalo lesimo abasizwayo ukuthi sikhona ekhaya esifana lokuhlala abantu becitshelwa ugetsi lamanzi, ukuqonga kwentengo yemphahla lokudla lokungahlaliseki okukhona kwezombusazwe elizweni.

Uhlangothi olubona ngeziphepheli enhlanganisweni yomanyano wamazwe womhlaba olwe United Nations High Commission for Refugees (iUNHCR) solwehlisa isilinganiso semali enikezwa amazwe agcine iziphepheli eminyakeni embili edluleyo, ngakho eleBotswana lalo selihlaba omkhulu umkhosi njengoba selikhipha imali enengi esambeni salo ukuthi ligcine iziphepheli zaseZimbabwe.

please wait

No media source currently available

0:00 0:04:19 0:00

Facebook Forum

XS
SM
MD
LG