JOHANNESBURG —
Njengoba umnyaka usuphelile iKhisimusi layo isisondele, inengi lezizalwane zeZimbabwe ezisebenzela kwele South Africa, ziphakathi kwenhambo zokubuyela ekhaya ukuyabona izihlobo labangane. Kodwake banengi njalo abathi iKhisimusi yalonyaka izabafica lapha .
Kakusensuku zatshwala iKhisimusi ingafikanga, kuyikhonje abeZimbabwe abasebenza kwele South Africa bephithizela, ngemizamo yokuthi bayefika ekhaya iKhisimusi ingakafiki.
Njengoba inengi labasebenzayo bengasitholi isikhathi sokuya ekhaya phakathi komnyaka, sekuyimvama ukuthi uMpalakazi nxa eqala amabombo lawo aqale ukubheka ekhaya.
Umnumnzana Butho Mlilo ngomunye wabathabe baba manzi te ukuthi sebesiyabonana lezihlobo labangane okukade bacinana.Yenake njengoba eseleminyaka eyisitshiyagalombili engakaze alugxobe ekhaya uthi ufuna ukuthi nxa efika ekhaya yena lezihlobo zakhe bakholisi iKhisimusi yalonyaka ngendlela ezabhadala ukungabi khona kwakhe eminyakeni yonkele edluleyo.
Umnumnzana Ismael Shamu odabuka eMasvingo yena uthi kasikho isikhathi somnyaka esimjabulisa okwedlula isikhathi seKhisimusi. Uthi lobanje abanye besithi impilo yeGoli imnandi, yena uthokoza adlulise amalawulo nxa ehleli labogogo labokhulu emthunzini bexoxa ngezakudala. UShamu uthi kwezidliwayo amathumbu lezinye ezangaphakathi yizo ezimenza akhumbule ekhaya njengoba engathandabuzi ukuthi kuzabe kuhlatshwe inkomo.
Kodwake abanye abeZimbabwe abafana lonkosazana Nothando Moyo odabuka eKezi eMaphisa ezansi yakweleMandebelethi bathi ukuhlala besidla ezimnandi eGoli sekwenze kubo iKhisimusi ifane lawo wonke amalanga.
Unkosazana Moyo uthi amarice, inyama yenkukhu isinkwa lamakhekhe obekuligugu ngeKhisimusi yakudala bathapha baze batshiye eGoli kusukela ngoZibandlela kuze kuyefika uMpalakazi.
Loba kunjalo uthi into ezamephula inhliziyo kule iKhisimusi yikuthi kasoke aye akhaya njengoba uzabe esemsebenzini.
Bakhona njalo abafana loJohn Nkomazana odabuka eTsholotsho, yena othi isifiso sokuya ekhaya besikhona kodwa wehlulekile ukuthola imali yokuthi agade amabhasi eyethokoza lezihlobo eZimbabwe.
Ngakolunye uhlangothi bakhona abafana lentombi esakhulayo uAmbition Ndlovu odabuka ePlumtree yena othi njengoba imuli yakhe yonke isihlala lapha eGoli yena kuye kasikho isizatho sokufisa ukuba sekhaya ngekhefu lekhisimusi.
Loba kunjaloke bonke abeZimbabwe laba bayakucacisa ukuthi ikhefu lekhisimuli kuzakuba lithuba lokuphumula, baxoke ezakudala, badle abakufisayo njalo bathole ithupha lokulola amacebo abo omnyaka ozayo.
Kakusensuku zatshwala iKhisimusi ingafikanga, kuyikhonje abeZimbabwe abasebenza kwele South Africa bephithizela, ngemizamo yokuthi bayefika ekhaya iKhisimusi ingakafiki.
Njengoba inengi labasebenzayo bengasitholi isikhathi sokuya ekhaya phakathi komnyaka, sekuyimvama ukuthi uMpalakazi nxa eqala amabombo lawo aqale ukubheka ekhaya.
Umnumnzana Butho Mlilo ngomunye wabathabe baba manzi te ukuthi sebesiyabonana lezihlobo labangane okukade bacinana.Yenake njengoba eseleminyaka eyisitshiyagalombili engakaze alugxobe ekhaya uthi ufuna ukuthi nxa efika ekhaya yena lezihlobo zakhe bakholisi iKhisimusi yalonyaka ngendlela ezabhadala ukungabi khona kwakhe eminyakeni yonkele edluleyo.
Umnumnzana Ismael Shamu odabuka eMasvingo yena uthi kasikho isikhathi somnyaka esimjabulisa okwedlula isikhathi seKhisimusi. Uthi lobanje abanye besithi impilo yeGoli imnandi, yena uthokoza adlulise amalawulo nxa ehleli labogogo labokhulu emthunzini bexoxa ngezakudala. UShamu uthi kwezidliwayo amathumbu lezinye ezangaphakathi yizo ezimenza akhumbule ekhaya njengoba engathandabuzi ukuthi kuzabe kuhlatshwe inkomo.
Kodwake abanye abeZimbabwe abafana lonkosazana Nothando Moyo odabuka eKezi eMaphisa ezansi yakweleMandebelethi bathi ukuhlala besidla ezimnandi eGoli sekwenze kubo iKhisimusi ifane lawo wonke amalanga.
Unkosazana Moyo uthi amarice, inyama yenkukhu isinkwa lamakhekhe obekuligugu ngeKhisimusi yakudala bathapha baze batshiye eGoli kusukela ngoZibandlela kuze kuyefika uMpalakazi.
Loba kunjalo uthi into ezamephula inhliziyo kule iKhisimusi yikuthi kasoke aye akhaya njengoba uzabe esemsebenzini.
Bakhona njalo abafana loJohn Nkomazana odabuka eTsholotsho, yena othi isifiso sokuya ekhaya besikhona kodwa wehlulekile ukuthola imali yokuthi agade amabhasi eyethokoza lezihlobo eZimbabwe.
Ngakolunye uhlangothi bakhona abafana lentombi esakhulayo uAmbition Ndlovu odabuka ePlumtree yena othi njengoba imuli yakhe yonke isihlala lapha eGoli yena kuye kasikho isizatho sokufisa ukuba sekhaya ngekhefu lekhisimusi.
Loba kunjaloke bonke abeZimbabwe laba bayakucacisa ukuthi ikhefu lekhisimuli kuzakuba lithuba lokuphumula, baxoke ezakudala, badle abakufisayo njalo bathole ithupha lokulola amacebo abo omnyaka ozayo.