amalinks wokungena

Breaking News

AbeZimbabwe Babanjwa Ngamandla Ukuyathenga Ukudla eBotswana


AbeZimbabwe besiyathenga impahla kweleBotswana

Inengi labantu beZimbabwe bathi lezi zingqobe kuhulumende omutsha ukuthi akhangelisise udaba olufana lokuswelakala kwemali kanye lokuqonga kwentengo yemphahla elizweni.

Abanye abeZimbabwe abasendaweni ezingakhatshana leBotswana, ikakhulu idolobho leFrancistown, sebengena buthumu thumu bezothenga imphahla yendlini. Lokhu kulandela ukuqonga kwentengo yemphahla enengi ikakhulu ukudla, eZimbabwe.

AbeZimbabwe besiyathenga impahla kwele Botswana
AbeZimbabwe besiyathenga impahla kwele Botswana

Abasebenza emngceleni wePlumtree leRamokgwebana bathi babona inani eliphezulu lezihambi elingena eBotswana, libuye liphume ngalanga linye.

Umnunzana Rodwell Moyo ungomunye othenga imphahla yendlini edolobheni leFrancistown uthi uhulumende kamongameli Emmerson Mnangagwa kaqale ngendaba ezifana lokuqonga kwemphahla kanye lokusilela kwemali.

"Sibona abantu abanengi sebeqala ukuthenga imphahla enjengama groceries phandle kwelizwe. Lokhu kutsho ukuthi uhulumende kalungise lezindaba kuqala hatshi ukukhuluma ngama benefits kamongameli ophuma esihlalweni."

Unkosikazi Zandile Ndlovu laye uthi akulungiswe masinya ezomnotho ukuze abantu bengabonakali besiyadinga ngitsho lemphahla encane ngaphandle kwelizwe.

"Kuyakhathaza ukungena kwelinye ilizwe usiyathenga ama groceries. Kusifakela inkinga ikakhulu emngceleni ngendaba yemphahla okungamelanga ithengwe phandle kwelizwe, eye import ban."

Umnunzana Dumi Ncube yena uthi lokhu kutshengisa ukuthi ilizwe aliyiphambili uma abantu belokhe bethenga imphahla komakhelwane.

"Indaba le isikhumbuza udubo lwakudala eZimbabwe sisathenga ama groceries eBotswana, kutshengisa ukuthi akulangqubela phambili njengelizwe uma silokhe siphuma siyothenga phandle kwelizwe."

AbeZimbabwe besiyathenga kweleBotswana
AbeZimbabwe besiyathenga kweleBotswana

Inengi, kugoqela ebelingene eZimbabwe livela phandle kwelizwe, laba lekhisimusi emunyu ngenxa yentengo yemphahla eqonge okwamagama enyangeni ezimbili ezisanda kudlula.

Abacubungula ngezomnotho bathi uma udubo lokusilela kwemali lusiya phambili, ukudula kwemphahla lakho kuzaqhubeka.

Imphahla enengi iphansi ngentengo eBotswana uma kuqathaniswa leZimbabwe.

please wait

No media source currently available

0:00 0:02:10 0:00

Facebook Forum

XS
SM
MD
LG