amalinks wokungena

Breaking News

Banengi Ababanjwa Inkunzi Bengena eBotswana


Izihambi emngceleni weRamokgwebana phakathi kweZimbabwe leBotswana

Amapholisa eBotswana athi liyaqonga inani labantu beZimbabwe ababanjwa inkunzi lapho beseqa umngcele bengena kulelo lizwe ngaphandle komthetho.

Umbiko okhitshwa ngamapholisa maviki wonke, ukhomba ukuthi izehlakalo zalabo abahlangana lezigebengu zibathathele imali lemphahla zabo ziqhubeka zisiba zinengi.

Kumalanga edluleyo kulezizalwane zeZimbabwe ezintathu ezihlaselwe ngamasela zisanda kweqa ucingo zingena kweleBotswana zasezigijimela enkambeni yeRamokgwebana.

Abantu laba bathathelwa imphahla efana labomakhalekhukhwini kanye lemali phose amadola ayinkulungwane eyodwa.

Liphezulu inani labantu abeqa umngcele okungekho emthethweni ngenxa yobunzima bemithetho yokuhlala kumbe ukwethekelela eBotswana.

Omunye owesifazana ongafisanga ukubethwa ngegama ngoba engalamaphepha aqondileyo okuhlala kulelolizwe uthi kulabafana ababhadalisa abantu ukungena eBotswana bezibiza ngokuthi ngamagumaguma.

UMnu Danisa Ndlovu uthi ubunzima obusemngceleni weBotswana sobufanana nje lobubhekane labantu abeqa umfula omkhulu uNgulukudela bengena eSouth Africa.

Lanxa kulengozi, izizalwane zeZimbabwe ziqhubekazithululeka ngobunengi eBotswana kanye leSouth Africa bexotsha yindlala lokubhidlika komnotho.

Udaba lwezihambi ezibanjwa inkunzi emngceleni weRamokgwebana
please wait

No media source currently available

0:00 0:02:45 0:00
Lapho esitholakala khona
XS
SM
MD
LG