amalinks wokungena

Breaking News

AbeZimbabwe Egoli Bathi Balahlekelwe Ngokubhubha KukaDabengwa


Umongameli webandla leZapu, uMnu. Dumiso Dabengwa.
Umongameli webandla leZapu, uMnu. Dumiso Dabengwa.

Amalunga ebandla leZAPU labasekeli baleli bandla kweleSouth Africa baveze ukudana okukhulu kulandela imfa yomkhokheli waleli bandla uDr Dumiso Dabengwa.

Imbongi yeZimbabwe uObert Dube uhaye impilo kamuyi umnumnzana Dumiso Dabengwa.

Lobanje bekuvele kusaziwa ukuthi akaphilanga inengi labasekeli beZapu kweleSouth Africa bathi imfa yakhe ibethusile njalo ibatshiye belesithuli.

Umgcinisihlalo weZapu kweleSouth Africa umnumnzana Bongani Halimana uthi balahlekelwe njengelizwe le Zimbabwe kanye le Africa jikelele.

“Silahlekelwe njengeprovince. Silahlekelwe njengeparty. Silahlekelwe njengelizwe leZimbabwe. Silahlekelwe njengama Africa. UCde Dabengwa akusuye muntu omncane. Ngumuntu owaziwa ngamazwe omhlaba. Ngumuntu obelimela iqiniso. Ziningi izinto esizifundileyo sikhokhelwa nguDabengwa njengoPresident wethu.

Ulutsha lweZapu lalo luthi kukhulu abakufunde kuDabengwa ikakhulu ezombusazwe ezingelanzondo.

Isizalwane seZimbabwe umnumnzana Mlungisi Tshabalala uthi kulusizi ukuthi inkululeko eyalwelwa ngoDabengwa yaphendulwa usizi yilabo abangathembekanga.

“Dumiso Dabengwa usuhambile okwangempela ungazange ukuthole ukujabula kulelizwe owalilwelayo iminyaka leminyaka engaka. Into okade uzama ukuyenza uvuselela iZapu kodwa akuzange kwenzeka ngokufisa kwakho. Sithi lala uphumule qhawe lakithi imisebenzi yakho siyayazi thina. Uliqhawe lamaqhawe uzohlala uliqhawe lamaqhawe. Phumula Ndlovu, phumula.

Amalungiselelo womngcwabo lokhe engakacaci njengoba isidumbu lokhe sisesendleni ukusuka kweleKenya lapho abhubhele khona.

Udaba lwabeZapu abaseSouth Africa lokulila uDabengwa siluphiwa nguBenediic Nhlapho
please wait

No media source currently available

0:00 0:02:17 0:00

XS
SM
MD
LG