amalinks wokungena

Breaking News

AbeZLHR Bethula Ugwalo Lweziqondiso Zokusebenza Kwenhlanganiso Ezizimeleyo


Abathathu laba bephawula okusemthethweni, ugwalondaba oluthiwa ENFORCED DISAPPEARENCE GUIDE, emahofisini e ZLHR
Abathathu laba bephawula okusemthethweni, ugwalondaba oluthiwa ENFORCED DISAPPEARENCE GUIDE, emahofisini e ZLHR

Abenhlanganiso yamagqwetha alwela ilungelo loluntu eye Zimbabwe Lawyers for Human Rights baphawule okusemthethweni, ugwalo oluleziqondiso okumele zilandelwe ukulondoloza abalwela ilungelo loluntu labenhlanganiso ezizimeleyo, oluthiwa An information Guide for Human Rights Defenders and CSO’s.

Lolugwalo olulotshwe ngobukhokheli beZLHR ngemva kokubona ukuba lokhe bethunjwa abantu elizweni, lanxa isisekelo sombuso singakuvumeli.

Unkosazana Jestina Mukoko
Unkosazana Jestina Mukoko

Obengumhlonitshwa emkhosini owenzelwe emahofisini awe ZLHR eHarare, oluphawule okusemthethweni lolu gwalo, ngomunye wabathunjwayo laye uNkosazana Jestina Mukoko umqondisi wenhlanganiso ye ZPP, utshengise ukudana kwakhe phezu kokwenza kwenhlangothi zomvikela zikahulumende,ukweyisa okumunyethwe yisisekelo sombuso.

Wamangaliswa licala aletheswayo ngaleso sikhathi uMukoko ebekwa umlandu ophathelane lezombusazwe, kuthiwa yena labanye baphatheka kwezokufundisa ontanga eziphathelene lezombutho ukuze balwise ukugqnula umbuso kamongameli Robert Mugabe.

Elokhe esakukhumbula lokho kuthunjwa kwakhe uMukoko, njengento eyenzakala izolo, ngendlela abelandisa ngayo.

Wengeza uMukoko ethi uyabuzwisisa ubuhlungu imuli yako Dzamara, alokhe bengazi ukuba isihlobo sabo sikuphi,sisaphila na loba hasthi, ngoba lezakhe zedlula kikho.

Ebekhona njalo amanye amalunga alabo abake bahlangana lohlupho lokuthunjwa kodwa baba lenhlanhla ukuthi bona besaphila.

Umnumzana Emanuel Chinanzvavana, unkosazana Jestina Mukoko kanye lonkosikazi Concilia Chinanzvavana, emkhosini wokuphawulwa kogwalondaba e ZLHR.
Umnumzana Emanuel Chinanzvavana, unkosazana Jestina Mukoko kanye lonkosikazi Concilia Chinanzvavana, emkhosini wokuphawulwa kogwalondaba e ZLHR.

La ngabagoqela unmnumzana Emmanuel Chinanzvavana lonkosikazi wakhe u Concilia, abathunjwa labo, icala labo kuyikuba baphatheka kwezombusazwe, bencintisa bekubandla eliphikisayo le MDC-T.

XS
SM
MD
LG