Ababalisi sebeveze ukukhathazeka okukhulu ngokungenela kwabezombusazwe kundaba zemfundo besithi iziphathamandla, ikakhulu ezebandla leZanu PF endaweni ezifana leMasvingo zibamba abantwana kanye lababalisi ngamandla ukuthi baye emihlanganweni yalelibandla.
Bathi njalo abezombusazwe laba sebelomkhuba wokuqoqa imidlalo ezikolo kubuthane abantu, babesebesebenzisa lelithuba ukukhankasa bedinga usekelo njengoba ilizwe libhekane nje lokhetho.
Ukuhlaziya loludaba sixhume isiphathamandla seProgressive Teachers Union of Zimbabwe uMnu Vusumuzi Mahlangu lombalisi weGwanda uMnu Jaston Mazhale bona abathi abezombusazwe lana kumele betshiyane lokungenela kwezemfundo.
