amalinks wokungena

Breaking News

AbeZPRA Bathi Sekwanele Ukuhlutshwa Kukazulu eZimbabwe


AbeZIPRA kweleSouth Africa

Abalwa impi yenkululeko bekuviyo leZPRA bathi ngeke besaqhubeka begoqe izandla besekela uhulumende webandla leZanu PF ebhidliza inkululeko abayilwela kanzima

Zikhuluma ziseJohannesburg, inkokheli zeviyo leZpra kweleSouth Africa zikubeke kwacaca ukuthi kazihleli ukugenqula uhulumende kodwa zizathatha amanyathelo okuvikela inkululeko yelizwe esibhidlizwa nguhulumende kamongameli Emmerson Mnangagwa lebandla lakhe leZanu PF.

Umgcinisihlalo wenhlanganiso yeZpra kweleSouth Africa umnumnzana Gideon Ngwenya uthi ukwephulwa kwamalungelo oluntu lokutshaphazwa kwezomnotho yizinto okungeke zisavunyelwa ziqhubeka.

“Ilizwe lakithi kuyalinywa, kuyafuywa, kwenziwa yonke into. Abantu okufanele balirane lelo lizwe ngamasela. We as Zpra we will never allow that. We will never ever allow that. We fought for that country.”

Obona ngokuqoqwa kwenhlelo zale inhlanganiso umnumnzana Sibangani Ndebele uxwayisa uhulumende ukuthi ekele ukuthunuka abantu beMandebeleni esebenzisa linhlanganiso ezibiza Matabeleland Collective.

“Sithi lokhu ukuthi kuthiwe kugujwa amancwaba kungcwatshwa kutsha abantu, kungakakhulunywa lokhu labantu abayibona abahlukunyezwayo, sithi umhlaba wonke jikelele labantu beZimbabwe bangakuvumi. Sisafuna ukuthi sithole iqiniso kuqala.

Obona ngokwethulwa kwemibiko kuviyo leli leZpra kweleSouth Africa umnumnzana Petros Dewa uthi indlela okwephulwa ngayo amalungelo oluntu kuleliya lizwe yeyisa kakhulu ukuzinikela abakwenzayo lempilo zalapho abasala empini yenkululeko.

“Sithi iZimbabwe ayiphindele back to the basics to respect the rule of law. Everything is Zanu pf. It can’t be. That’s why they have detained Hopewell Chinono. What country is that?”

Umongameli Emmerson Mnangagwa sekukanengi esithi ngamanga aluhlaza ukuthi kulokwephulwa kwamalungelo abantu elizweni. Leyinto esanda kugcizelelwa yisiphathamandla le bandla lakhe umnumnzana Obert Mpofu yena othi ukwethekelela kwequla le bandla le African National Congress eZimbabwe kuzaveza sobala amanga alabo abathi kulohlupho elizweni.

please wait

No media source currently available

0:00 0:02:16 0:00

Facebook Forum

XS
SM
MD
LG