WASHINGTON DC —
Udaba lwesisekelo sombuso esitsha soludabule phakathi hatshi abezombusazwe labenhlanganiso ezizimeleyo kuphela, kodwa labamabandla okholo lwesiKhristu.
Amabandla okholo alobudlelwano leZanu PF athi kasamukeli isisekelo esilotshwe yiCopac, esithi simumethe imbono engavunyelwa yisiKhristu efana lobutabane.
Abalembono le bagoqela owaxotshwa kubandla leAnglican njalo osekela uMongameli Robert Mugabe, uMnu Nolbert Kunonga. Kodwa umanyano weChristian Alliance uthi awuvumelani lalimbono.
Umqondisi walumanyano uMnu Useni Sibanda uthi lanxa bengasuthiseki ngakho konke okukusisekelo lesi, bayasamukela ngoba kukunengi okuhle kuso.
Abamabandla ezombusazwe labenhlanganiso ezizimeleyo sebeqalisile ukulungiselela umhlangano wokuhlaziya isisekelo lesi, oweSecond All-Stakeholders Conference.
Lanxa ibandla leZanu PF belisala ukuthi kuyiwe kulumhlangano kungakakhangelwa izikhalazo zalo ngelifuna kungene kusisekelo lesi, selize lavuma ukuthi lumhlangano uqhutshwe.
Ngempelaviki uPolitical Commissar walelibandla, uMnu Webster Shamu, uhlangane leziphathamandla zeZanu PF ezivela endaweni ezitshiyeneyo zelizwe bekhulumisana ngaloludaba.
UShamu ukhuthaze amalunga alelibandla ukuthi ekhankasele ukufakwa kwezikhalazo zabo kusisekelo lesi ngaphambilini kweSecond All-Stakeholders Conference.
Isikhulumeli seZanu PF, uMnu Rugare Gumbo utshele iStudio 7 ukuthi ibandla lakhe alibuyeli muva ngezikhalazo zalo, ezigoqela ukwesulwa kodaba lombuso wezabelo, idevolution.
Emhlanganweni wakuqala oweFirst All-Stakeholders Conference oqhutshwe ngo2010 kwaqhamuka udlakela amalunga eZanu PF etshaya abantu ababekulumhlangano.
Ingcwethi kwezombusazwe, uMnu Mlamuli Nkomo, uthi umhlangano ozayo lawo ulakho ukuphanjaniswa ludlakela.
Amabandla okholo alobudlelwano leZanu PF athi kasamukeli isisekelo esilotshwe yiCopac, esithi simumethe imbono engavunyelwa yisiKhristu efana lobutabane.
Abalembono le bagoqela owaxotshwa kubandla leAnglican njalo osekela uMongameli Robert Mugabe, uMnu Nolbert Kunonga. Kodwa umanyano weChristian Alliance uthi awuvumelani lalimbono.
Umqondisi walumanyano uMnu Useni Sibanda uthi lanxa bengasuthiseki ngakho konke okukusisekelo lesi, bayasamukela ngoba kukunengi okuhle kuso.
Abamabandla ezombusazwe labenhlanganiso ezizimeleyo sebeqalisile ukulungiselela umhlangano wokuhlaziya isisekelo lesi, oweSecond All-Stakeholders Conference.
Lanxa ibandla leZanu PF belisala ukuthi kuyiwe kulumhlangano kungakakhangelwa izikhalazo zalo ngelifuna kungene kusisekelo lesi, selize lavuma ukuthi lumhlangano uqhutshwe.
Ngempelaviki uPolitical Commissar walelibandla, uMnu Webster Shamu, uhlangane leziphathamandla zeZanu PF ezivela endaweni ezitshiyeneyo zelizwe bekhulumisana ngaloludaba.
UShamu ukhuthaze amalunga alelibandla ukuthi ekhankasele ukufakwa kwezikhalazo zabo kusisekelo lesi ngaphambilini kweSecond All-Stakeholders Conference.
Isikhulumeli seZanu PF, uMnu Rugare Gumbo utshele iStudio 7 ukuthi ibandla lakhe alibuyeli muva ngezikhalazo zalo, ezigoqela ukwesulwa kodaba lombuso wezabelo, idevolution.
Emhlanganweni wakuqala oweFirst All-Stakeholders Conference oqhutshwe ngo2010 kwaqhamuka udlakela amalunga eZanu PF etshaya abantu ababekulumhlangano.
Ingcwethi kwezombusazwe, uMnu Mlamuli Nkomo, uthi umhlangano ozayo lawo ulakho ukuphanjaniswa ludlakela.
