amalinks wokungena

Breaking News

Abongi Besibhedlela seBulawayo Hospitals Sebebuyele Emsebenzini


Abongi besibhedlela seUBH

Isimo esibhedlela seUBH sibikwa sesibuyele ekuqhubekeni njengensukwini kulandela ukubuyela kwabongi abakade bekhalala umsebenzi ngemva kokutholiswa impahla yokusebenzisa abakade beyikhalela isithengwe ngesithumuthumu.

Abongi besibhedlela seUBH
Abongi besibhedlela seUBH

Izisebenzi zeUBH bezikhalele umsebenzi NgoMvulo kuyonale iviki zisola inkokheli zesibhedlela ngesimo esibi ezibhekane laso bethi ukuhlukuluzwa kwezigulane lezisebenzi akuphele, izigulane zitholiswe imithi ngoba zibhadalela ukwelatshwa.

UMgcinisihlalo weZimbabwe Nurses Association eUBH, uMnumzana Antony Majongosi uthe yonke impahla abakade beyifuna iphange yathengwa njengokwethembisa kwenkokheli zesibhedlela ngakhoke sebebuyele emsebenzini.

“Sihlale phantsi namhla sabona ukuthi abantu abathenga izinto esizifunayo ukusebenzisa esibhedlela, so sakhulumisana ukuthi sizaqubekela phambili sisebenze,” kutsho uMajongosi.

UJongosi wengeze ethi kuvunyelenwe ukuthi akulamuntu ozahlukuluzwa kulandela ukukhalala umsebenzi.

Abongi besibhedlela seUBH
Abongi besibhedlela seUBH

Omunye wabongikazi, uNkosikazi Nokuthula Nyathi uthi kulabomongikazi abahlupha ezinye isisebenzi ethi kulomunye oseze esaziwa layizigulane ukuba uyahlupha ngakho bafuna kuphele ngoba kubenza basebenze nzima.

UMqondisi walinhlanganiso, uNkosikazi Nonhlanhla Ndlovu, yena uthi kubenzima ukumthola ewofisini lakhe umabhalane wakhe ubethi kakho uye emhlanganweni.

Izibhedlela zonke ezweni jikelele zibhekane lodubo lokusislela kwempahla yokusebenzisa kusukela ukuhlamba izibhedlela kusiya ezimoteni ezithwala izigulane, imithi yona vele kayisabonwa izigulane ziyazithengela, osekutshiye ezempilakahle zibhazalele ngesisu. Lalapho uhulumende esethula uluhlu lwendleko yakhe ibudget umsebenzi wezempilakahle wabelwe imali encane okubikwa kuzakwengeza ukusebenza nzima kwezibhedlela.

Abongi besibhedlela seUBH
Abongi besibhedlela seUBH

Izisebenzi zeUBH zibuyele emsebenzini zathembisa ukuba iziphathamandla zesibhedlela zingake ziphathe kubi izisebenzi lezigulane zizabuyela ekukhalaleni njalo umsebenzi ngoba bakhathele ngokuhlukuluzwa bethule.

please wait

No media source currently available

0:00 0:03:28 0:00

Facebook Forum

XS
SM
MD
LG