amalinks wokungena

Abakumsebenzi Wezempilakahle Abagoqela Abongi Batshengisela eHarare

  • Mavis Gama

Abongi bayatshengisela phandle kwewofisi yeZimbabwe Health Services Board

Izisebenzi zezempilakahle, inengi labo kungabongi ezivele endaweni ezitshiyeneyo eZimbabwe, zitshengisele ngoLwesibili, emawofisini enhlanganiso ye Health Services Board (HSB) asesibhedlela seParirenyatwa eHarare, zikhonona ngokungaqhubi kahle umsebenzi kweziphathamandla zale iBoard.

Encwadini yazo yezikhalazo eyethulelwe umgcinisihlalo weHSB, izisebenzi lezi ezibalisa odokotela, abongi, abasebenza emavinkilini emithi amapharmacists labanye, bathi bakhathazekile ukuba lokhe ingakenziwa inguquko abayithenjiswayo kusukela ngomnyaka ka 2009.

Unobhala jikelele wenhlanganiso yabongi, eye Zimbabwe Nurses Association, uMnu. Enock Dongo
Unobhala jikelele wenhlanganiso yabongi, eye Zimbabwe Nurses Association, uMnu. Enock Dongo

Unobhala jikelele wenhlanganiso yabongi, eye Zimbabwe Nurses Association, uMnu. Enock Dongo, uthi bakubone kufanele bathathe lelinyathelo ngemva kokunanzelela ukuba akukho okwenziwayo ukulungisisa uluhlu lwendlela okumele basebenze ngayo kanye lesimo sokuholiswa.

Abakhulume lalumsakazo ngokutshengisela lokhu bathi lanxa kubuhlungu okwenzakalayo, bayalisekela leli nyathelo.

Abatshengisele phandle kwewofisi yeZimbabwe Health Services Board.
Abatshengisele phandle kwewofisi yeZimbabwe Health Services Board.

UMnu. Mlondolozi Ndlovu, isakhamuzi edolobheni le Harare, ukhuthaza iziphathamandla ze Health Services Board ukuba zigcwalise izivumelwano ezenziwayo lezisebenzi.

Esinye njalo sezakhamizi ze Harare, umnumzana Charles Nyoni, uthi kuqakathekile ukuba abasekela yilopha uhlangothi, kube ngabazi bakwenzayo ekuphatheni abantu.

Ukhuthaza uhulumende labamankampani ukuba ma bekhetha abaqondisi ezikhundleni, kumele bananzelele ukuthi bayawuzwisisa na, umsebenzi wabo njalo bazawuqhuba ngemfanelo, hatshi isimo esikhona, uNyoni athi sesilibulele ilizwe.

Ukutshengisela kwalamhlanje bekwehlukile lokunye ukutshengisela lokukhonona ngoba, okwakuqala abakhokhela inhlangothi ezehlukeneyo ezifana leziphathamandla zabongi, bebekhona labo.

Facebook Forum

XS
SM
MD
LG