amalinks wokungena

Izizalwane zeZimbabwe Ezihlala eBotswana Zithi Kaluncedi Usuku LweAfrica Day

  • Martin Ngwenya

Ezinye izizalwane zeBotswana ezihlala kwele Botswana.

Noma nje ngoLwesine bekunanzwa usuku lwe Africa Day, abanye abantu eZimbabwe abahlala kwele Botswana bathi akulasizatho sokujabula ngenxa yesimo esilukhuni somnotho ekhaya esiyenza bayedinga ukuziphilisa kwamanye amazwe, kodwa bengamukelwa.

Bengangena kwele South Africa bayagijinyiswa kuthiwa kaba buyele kibo kukanti eBotswana lakho babhekana lobunzima obufanayo lapho besetheswa uhlobo lonke lwamacala.

Isimo esibhekane labeZimbabwe ababalekela umumo womnotho ongamanga kuhle ekhaya siyenza ukuthi badinage baswele isizatho sokuthakazelela ilanga leAfrica Day.

Abanye abafana lo mnunzana Stanley Ncube bathi kabasiboni isizatho sokujabulela iAfrica Day nguba injongo zayo zingahlonitshwa.

“Nxa besikhangele eBotswana basibona njengemthwalo njalo besithi sibanengi kakhulu sibathathela amathuba.”

Uthi udaniswa yikuthi amazwe afana leEuropean Union ayamekula izizalwane ezivela kumazwe angaphansi kwenhlanganiso, kodwa ngaphansi kwenhlanganiso eye African Union (AU), akunjalo.

“Ngabe iAU layo ihambelana leEU ukuze labo aBatswana uma befuna ukuyahlala kumbe besebenza eZimbabwe bavunyelwe, ngoba khathesi sikhanya njengeziphepheli.”

Noma nje iBotswana ililunga leAU, ayinanzi lelilanga njengekhefu, kodwa kule lemcimbi yokunanza lelilanga.

Inhloso ye AU iphose ifane lenhloso ye European Union, kulesifiso sokuthi kube lokuthuthukisa umnotho weAfrica, ngokuvula imngcele njalo ukunikeza izizalwane zeAfrica inkululeko yokungena kwamanye amazwe kungadingakali amavisa.

Kodwa lokhu kukhanya akusoke kufezeke khathesi ngoba, abeZimbabwe bethola imigoqo eminengi uma befuna ukungena emazweni angomakhelwana becina beseqa lemngcele.

Facebook Forum

XS
SM
MD
LG