amalinks wokungena

Breaking News

Uzulu Uthi Ibandla leANC Lenza Ngcono Kulebandla leZanu PF Eselibuse Okweminyaka Engamatshumi Amane


Abalandeli bebandla leAfrican National Congress.

Ngesikhathi ibandla elibusayo kwele South Africa eleAfrican National Congress (ANC) lithakazelela iminyaka edlula ikhulu (108 years) labunjwayo, ledlula engamatshumi amabili (26 years) kazibuse, abeZimbabwe abahlala kulelolizwe bathi kunengi kakhulu okufezwe yilelibandla okwehlule ibandla leZanu PF eminyakeni engamatshumi amane (40 years) kazibuse.

AbeZimbabwe asebehlala kwele South Africa balitshayela ihlombe ibandla elibusayo eleANC besithi lisebenze ngendlela encomekayo kakhulu ma liqathaniswa leleZanu PF.

Mibili kuphela imizi phakathi kwelitshumi engelamagetsi. Munye kuphela umuntu phakathi kwabalitshumi ongatholi amanzi ahlanzekileyo. Abantu abedlula izigidi ezilitshumi lane (14 million) bahlala ezindlini ngaphandle kwembadalo, ezakhiwa nguhulumende emadolobheni.

Kwezemfundo lakho munye phakathi kwabadala abalitshumi ongakwazi ukubhala lokubala kanti kwezempilakahle abedlula izigidi ezine abaphila legciwane lengculaza baphakathi kohlelo lukahulumende lokwelatshwa.

Lobanje kusasekunengi okufanele kulungiswe umongameli Cyril Ramaphosa uthi sebephezu kwakho.

“Siyazi ukuthi ezomnotho kazimanga kahle kodwa asilalanga siphezu kokukulungisa konke lokho.”

Isizalwane seZimbabwe uMnu. Godfrey Viki uthi kunengi leZimbabwe iSouth Africa yizwe loluju lochago.

“Sikhulumanje kulezikolo zikahulumende abantwana abaphiwa amabhuku mahala, bafunde mahala, batholukudla mahala ezikolweni. Sikhulumanje eSouth Africa zikhona izindlu ezakhiwa mahala zitholakale mahala kuhulumende. Sikhuluma eSouth Africa umntwana ozelweyo ezalwa ngabazali abahluphekayo uthola imali ayihola mahala eyokuthi akwazi phela ukuthi akhule abe ngumuntu.”

UMnu. Mlungisi Tshabalala uthi uthathekiswa yindlela okuhlonitshwa ngayo amalungelo oluntu.

“IANC ayizange yaxotsha abelungu. Yahlonipha amalungelo abantu. Kwabalentando yeningi kweleSouth Africa. EZimbabwe asizange sakubona lokho since 1980. Sibone abantu behlukunyezwa befakwa emajele, besenziwa zonke lezi izinto abanye bebulawa, abanye benyamalala kuze kube lalamhlanje.”

Lobanje eleSouth Africa lalo lilomnotho osuntengantenga, inengi labeZimbabwe bayasebenza kanti limisebenzi yiyo ephilisa imuli zabo ezisekhaya.

UMnu. Viki uthi kuyethusa ukuthi uhulumende weANC wenze konke lokhu ngemva kweminyaka ephansi kwamatshumi amathathu ebusa kanti oweZanu PF useze eleminyaka engamatshumi amane uzulu esidla imbuya ngoluthi.

“Yondla abantu bayo ize yondlle abantu baseZimbabwe. I South Africa izihambela yodwa ayingeke ize ifaniswe leZimbabwe. I Zimbabwe ligusu elingelamnikazi. Uhulumende ophila ngokubulala lokucindezela abantu bakhe. Ngakhoke ngeke ngiyifanise leSouth Africa.”

Ibandla le ANC selihlele umkhosi omkhulu ngoMgqibelo esabelweni se Northern Cape, lapho uzulu azathi gwaqa khona kuthakazelelwa iminyaka le edlula ikhulu lizelwe (108 years).

Kunconywa Imisebenzi Yebandla leAfrican National Congress
please wait

No media source currently available

0:00 0:03:16 0:00


Facebook Forum

XS
SM
MD
LG