amalinks wokungena

Breaking News

Afrobarometer: Akekho Ozanqoba Kukhetho lukaMongameli


UMnu Nelson Chamisa loMongameli Emmerson Mnangagwa

Inhlanganiso yeAfrobarometer ithi akekho phakathi kukaMongameli Emmerson Mnangagwa loMnu Nelson Chamisa ozathola isilinganiso esifunakalayo phansi komthetho ukuze umuntu anqobe kukhetho lukaMongameli.

Ukuze umuntu abe nguMongameli weZimbabwe, kumele anqobe ngamavoti ayisilinganiso sokungamatshumi amahlanu lokukodwa ekhulwini kumbe aphezu kwalokho (50% plus 1 vote).

Khepha impumela yophenyo lweAfrobarometer ithi alubana ukhetho luthe lwenziwa kusasa, uMnangagwa uzaphelela kusilinganiso sokungamatshumi amane lambili ekhulwini, i42%, kuthi uMnu Chamisa athole isilinganiso samatshumi amathathu lanye ekhulwini, i31%.

please wait

No media source currently available

0:00 0:04:42 0:00

UMongameli Mnangagwa uzancintisa emele ibandla lakhe leZanu PF kuthi uChamisa yena uzamela umanyano wamabandla aphikisayo oweMDC Alliance.

I-Afrobarometer, isebenzelana leMass Public Opinion Institute ixwayise ukuthi amanani ophenyo lolu alakho ukuguquka ngokusondela kokhetho mhlaka30 ngoNtulikazi.

“Abantu abangaba yi42% bathi kunganqoba uEmmerson Mnangagwa kuthi abangaba yisilinganiso se31% bathi uNelson Chamisa oweMDC Alliance; kulesilinganiso se25% abangela abangakutsho,” kutsho omunye wabaqhube uphenyo lolu uMnu Themba Chiveya ngoLwesine.

UMnu Chiveya uveze njalo ukuthi kuphenyo lwabo, inengi labantu lisole ibutho ngokuhluthuna intambo zombuso nyakenye lisithi lanxa uMnu Robert Mugabe wayemele ephume embusweni, lokhu kwakumele kwenziwe kulandelwa umthetho.

Nxa ukhetho lungenzeka njengokubhula kweAfrobarometer kungabikhona otshaya intambo, kuzakwenziwa ukhetho lwesibili olwe-run off phakathi kwababili abayabe behamba phambili mhlaka 8 ngoMpandula.

Facebook Forum

XS
SM
MD
LG