amalinks wokungena

Breaking News

BCC: Akula Othe Wahlaselwa Yisihudo seCholera koBulawayo


EZimbabwe umkhuhlane wesihudo seCholera, usuhlasele abambalwa edolobheni leChegutu osekubangele ukuba ilizwe lihle lihlale liqhaphele livikela ukumemetheka kweso.

Udokothela David Parirenyatwa
Udokothela David Parirenyatwa

UMphathintambo wezempilakahle uDokotela David Pararenyatwa ukhuthaza abantu ukuba bahlale behlanzekile njalo bagijimele esibhedlela bengabanjwa yisihudo abangasizwisisiyo. Ekhuluma eseChegutu uDokotela Pararenyatwa uthe umkhuhlane wesihudo uvame ukubakhona lapho abantu abanatha khona amanzi angahlanzekanga.

UMqondisi wezempilakhle eKhansilini yakoBulawayo uDokotela Edward Sibanda uthi leli dolobho alikabi ngitsho loyedwa osethe wabanjwa ngumkhuhlane wesihudo.

UDokotela Sibanda uthi njengekhansili sebeqalile ukulungiselela ukuqhamuka kwalo umkhuhlane njalo lezisebenzi ezizabamba loluhlelo kunye labongi sebekhona. Isibhedlela sofuba iThorngroove Hospital kulapho okuzabe kuselatshelwa abantu abalomkhuhlane wesihudo koBulawayo.

UMayor wedolobho lakoBulawayo, uKhansila Martin Moyo uthi ukuhlanzeka kuyinto emqoka njalo benza konke okusemandleni abo njengekhansili ukuba batholise uzulu amanzi ahlanzekileyo lokuba impompi ezithwala amanzi engcekeza azichithi lamanzi engakafiki lapho ahlanzwa khona andubana ayesebenza njalo emapulazini aduze ledolobho lakoBulawayo.

Isakhamuzi sakoBulawayo uNkosikazi Nomathemba Nyoni uthi izikolo sezazise abafundi ukuba bazivikele ekubambeni umkhuhlane wesihudo babafundisa lendlela zokuzenqabela.

Ikhansili yakoBulawayo isikhuthaze uzulu ukuba ageze izandla sikhathi sonke engangena esambuzini, agezise imbida lezithelo bengakakudli, bapheke badle ukudla okuvuthiweyo, njalo phezu kwakho konke banathe amanzi ahlanzekileyo.

Ikhansili ithi abantu ababanjwa yisihudo koBulawayo ngabantu abayabe beze lomkhuhlane endaweni abasuka kizo ngakhoke abantu abahlale beqhaphele ikakhulu kuzethekeli ezisuka kulezondawo ezilalo umkhuhlane.

Umkhuhlane wesihudo uyahlasela inqge siphi isitho somzimba njalo uyagijimisa ngesisu uqeda amanzi emzimbeni.

Ukuphathwa kodaba lweCholera koBulawayo siluphiwa nguAnnahstacia Ndlovu
please wait

No media source currently available

0:00 0:06:34 0:00

XS
SM
MD
LG