UMongameli weMelika uMnu Donald Trump uzakwethula umbiko aqakathekileyo ngoLwesibili lapho azaveza khona injongo yakhe yokwenqabela abakwamanye amazwe ukuza eMelika.
Embikweni weState of the Union Address lo, uTrump uzaveza ukuthi uzama ukwethula umthetho opha abantu abalethwa kwelaseMelika ngabazali babo besasebancane, imvumo yokuhlala kulelilizwe okusemthethweni.
Abantu laba bafika phose isigidi njalo batshelwe ngamanzi ngemva kokuba uMongameli Trump eyale ukuvuselela umthetho owawubavikela owethulwa nguMongameli Barrack Obama oweDeferred Action for Childhood Arrivals.
Imizamo yokwenqabela abakwamanye amazwe ukuza eMelika yinto esolwa ngamanye amalunga ebandla likaTrump elamaRepublics kanye leliphikisayo elemaDemocrats.
Ngakho, ingcwethi zithi kuzakuba nzima ukuthi imizamo kaMongameli Trump iphumelele.
Izizalwane zeZimbabwe ezinengi ezihlala eMelika zithi akulalutho olwakhayo kumbe oluhle ezilukhangeleleyo emazwini kaTrump. Omunye wazo nguMnu Garry Thwala Jackson ohlala esabeweni seTexas.
