amalinks wokungena

'Akumangalisi Ukunqoba KweZanu PF eMwenezi East'

  • Ntungamili Nkomo

Ibandla leZanu PF yilo elinqobileyo kukhetho lokudinga ummeli weMwenezi East edale lephalamende olwenziwe ngempelaviki, okuyimpumela ebivele ikhangelelwe ngabanengi.

Obemela leli bandla, uMnu, Joosbi Omah, uthole amavoti azinkulungwane ezingamatshumi phose amabili, 18,700.

Oncintise emele ibandla leNational Constitutional Assembly, uMnu Welcome Masuku, uthole amavoti angu-482 kwathi uMnu .Turner Mhango obemela ibandla leZimbabwe Congress Party wathola angu-386.

Amabandla aphikisayo alosekelo oluthe xaxa kangenanga kulolukhetho ngoba esithi afuna ikomishini ekhangelane lezokhetho iguqule indlela eqhuba ngayo umsebenzi.

Amabandla la agoqela eleMDC-T, iMDC ekhokhelwa nguMnu. Welshman Ncube, iPeople’s Democratic Party (PDP) lamanye.

Umsekeli wesikhulumeli seMDC-T, uNkosazana Thabitha Khumalo, uthi ukunqoba kweZanu PF akumangalisi ngoba ukhetho kaluqhutshwa ngendlela eqondileyo eZimbabwe.

Facebook Forum

XS
SM
MD
LG