amalinks wokungena

Breaking News

'Akusensuku Zatshwala Ukuthi uTsvangirai Asuke Esikhundleni Sakhe'


UMnu. Morgan Tsvangirai loMongameli Emmerson Mnangagwa.

Lanxa ibandla leMovement for Democratic Change (MDC-T) elikokhelwa nguMnu. Morgan Tsvangirai lisithi umkhokheli walo kasoze esuke esikhundleni phambilini kokhetho, ezinye iziphathamandla zalelibandla zithi uzakwehla kulesisikhundla kunsukwana ezizayo ukuze abhekane lempilakahle yakhe.

UMnu. Morgan Tsvangirai ubulawa yimvukuzane ehlasela amathumbu amakhulu, icolon cancer, njalo sikhuluma nje uyelatshwa kwele South Africa.

UTsvangirai uke wazikhulumela ngoMvulo ukuthi ulakho ukwehla esihlalweni sakhe.

Ukugula kukaTsvangirai sokubangele ukuxokozela okukhulu lokulwisana kubandla lakhe phakathi kwamacele amabili; elisekela uMnu. Nelson Chamisa lelisekela uNkosazana Thokozani Khupe.

Ababili laba yingwe lenja. Abasekeli balelibandla abanengi bathi besabela ukuthi ukulwisana lokhu kulakho ukudabula ibandla phakathi.

Ingcwethi ehlaziya ezombusazwe njalo eligqwetha uMnu Tineyi Mukwewa uthi kuyadanisa okwenzakalayo kuMDC-T.

please wait

No media source currently available

0:00 0:02:27 0:00

Facebook Forum

XS
SM
MD
LG