amalinks wokungena

Breaking News

Amabandla Ezombusazwe Akumelanga Alobe Akufisayo Emadolobheni Ngesikhathi Sokhetho'


Annastacia Ndlovu

Ikhomishini yeZimbabwe Electoral Commission (ZEC) ithi akumelanga amabandla akhankasela ukhetho oluzayo alobe akufisayo indawana yonke emadolobheni.

UNkosikazi Sithembiso Khuphe, obona ngezokhetho koBulawayo ekukhomishini le, uthi bayazama ukufundisa amabandla indlela eziqondileyo zokwethulela uzulu imibiko.

Uthi loba kunjalo akhona amabandla alokhe eloba akufunayo kuzakhiwo ezitshiyeneyo ezinjengemidulu yamankampani azimele wodwa, amabholohweni lakumabhakani ekhansili.

“… Sibafundisa ngemithetho okumele bayilandele njalo sivame ukubiza ikhansili ukuba ibikele amabandla la ngemithetho okumele bayilandele ngesikhathi sokhetho. Siyabakhuthaza ukuba balandele imithetho ehleliweyo.”

Isikhulumeli sebandla leZAPU, uMnu. lphithule Maphosa, uthi bona bafuna ukusebenzisa ukudweba lokuphanyeka imibiko endaweni ezitshiyeneyo ngoba kabatholi ithuba lokwethulela uzulu abakumumetheyo emisakazweni kahulumende lakumabonakude, kumaphephandaba lebulenjini beInternet.

“Indaba yegrafitti izaqhubeka isebenza ngoba kuyindlela elula yokuthi bafinyelele kuzulu ngesizatho sokuthi amanye amabandla awatholiswa amathuba alinganayo.”

Ikhansili yakoBulawayo isichaze ukuba ngesikhathi sokhetho kuqakathekile ukuba amabandla ezombusazwe alandele imithetho yekhansili ngokuhuqi ngependa kanye lokunamathelisa imibiko yabo lapho abangavunyelwa khona.

Amabandla akhuthazwa ukuba akhiphe konke azakudweba endaweni ezitshiyeneyo kungadlula amaviki amabili kwenziwe ukhetho lwelizwe.

Udaba Esilethulelwe NguAnnastacia Ndlovu
please wait

No media source currently available

0:00 0:02:53 0:00

XS
SM
MD
LG