amalinks wokungena

Breaking News

Amabandla Ezombusazwe Akhangelele Inguquko Enhle Emnyakeni Omutsha


Amacele omabili eMDC akuhulumende womanyano athi umnyaka ka 2010 ububhekane lobunzima obubangelwe libandla leZANU PF elehluleke ukugcwalisa isivumelwano seGlobal Political Agreement.

Kodwa amacele omabili ayavumelana ukuthi selokhe kwabunjwa uhulumende womanyano kube lenguquko ethize elizweni, egoqela ukutholakala kokudla ezitolo.

UBrenda Moyo weStudio 7 uqale ngokuxhuma umsekeli wesikhulumi sebandla leMDC elikhokhelwa yinhloko kahulumende uMnumzana Morgan Tsvangirai, uNkosazana Thabitha Khumalo othi sebekhangelele ukuthi ngomnyaka omutsha esesingena kiwo ibandla lezanu pf lizaqala ukuhlonipha intando kazulu.

UBrenda uphinde waxoxa lesikhulumeli secele leMDC elikhokhelwa nguMnumzana Arthur Mutambara, uMnumzana Nhlanhla Dube othi ibandla lakhe likhangelele ukuqina ngemva kweCongress yalo ezakwenziwa mhlaka 8 lo 9 ngenyanga kaZibandlela.

XS
SM
MD
LG