amalinks wokungena

Breaking News

Amabandla Ezombusazwe Akhuthaza Uzulu Ukuba Avikele Impumela Yokhetho Oluzayo


Abasekeli bebandla leMdc-T
Abasekeli bebandla leMdc-T

Amabandla ezombusazwe asekuthaze izizalwane zeZimbabwe ukuba zivikele impumela yokhetho oluzayo ukwenqabela ukuphinda okwenzakala ngomnyaka ka2008 lapho ibandla le Zanu PF elathi ngemva kokhetho lafihla impumela okwamaviki ambalwa andubana lithi akula othole amavoti amenza abuse.

Lokhu kuphume emhlanganweni obuqoqwe lugatsha lwezokhetho Izec koBulawayo ngoLwesihlanu ukuze lwazise uzulu ngelungelo lakhe lokungaphi omunye umuntu inombolo zamaphepha atshengisa ukuba umuntu ubhalisile kuluhlu lwabavoti.

UMqoqi wenhlelo zebandla leMDC-T uMnunzna Abednico Bhebhe utshele lumhlangano ukuthi abantu bengavumi ukhetho lusebiwa nguMongameli Mnangangwa ngendlela abenzayo ngomnyaka ka2008.

Evumelana loMnu. Bhebhe, umgcinisihlalo weZAPU eZansi yeMaNdebeleni, uMnunzna Mathew Sibanda uthi ibandla le Zanu PF lijwayele ukweba ukhetho ngendlela eziphansi njalo amanye amabandla engavumi ukuthi ukhetho ludluliselwe phambili kumbe kube lokuluphazamisayo.

UMnunzna Nkululeko Tshuma umqeqetshi weGodlwayo Community Development Trust uthi ukhetho oluzayo lunika abantu ithuba lokuvota kuhle kodwa sebesola uhlelo lwebandla elibusayo lokuthatha inombolo zamagwaliba abantu asebebhalise ukuvota.

UNkosikazi Patricia Tshabalala olwela amalungelo oluntu uthi ukhetho oluzayo lunzima ibandla elibusayo lamabandla aphikisayo kuxukene kuyavotelwa bani.

IZimbabwe iphakathi kohlelo lokubhalisa abantu ukuvota kusetshenziswa uhlelo lweBVR ukuze bephume loluhlu lwabantu abazavota.

Sikhuluma nje, inani lasebebhalisele ukuvota seledlule kancane izigidi ezinhlanu, ifive million lobanje bekukhangelelwe ukuthi kubhalise abantu abayizigi ezisikhombisa.

UMongameli Emmerson Mnangagwa usethembise ukuba abamazwe angentshonalanga bazeza bazohlola ukuqhutshwa kokhetho obekungasenziwa kuminyaka edleleyo.

please wait

No media source currently available

0:00 0:03:05 0:00

XS
SM
MD
LG